Hetak učynak palitviaźnia aceńvaje vykładčyk Viciebskaha ŭniviersyteta Siarhiej Michajłaŭ, jaki byŭ pierakładčykam na pracesie Kavalenki.
«Heta adnaznačna, čałaviek adstojvaje svaje ideały, jakija padtrymlivaje i značnaja častka nasielnictva. Ale ŭ takoj formie adstojvać svaje pravy moža nie kožny. Ja, moža, i nie liču, što kožny tak pavinien adstojvać, ale dla mianie heta hieraičny ŭčynak.
Toje samaje, jak było na vajnie: nia kožny pavinien iści na taran, zakryvać dzot svaim ciełam. Heta vybar najlepšych ludziej Ajčyny.Tamu dla mianie heta adnaznačna hieraičny ŭčynak, niejkaja sproba razbudzić masu, adstajać śviatyja nacyjanalnyja simvały».
Toje, što ŭłady pačali prymusova ŭ psichijatryčnym adździaleńni vyvodzić Siarhieja Kavalenku z haładoŭki, Siarhiej Michajłaŭ paraŭnaŭ z anałahičnymi pavodzinami savieckaha režymu:
«Kali niemahčyma złamić duch čałavieka, niemahčyma zasudzić — značyć, robiać varjatam,byccam jon robić niešta niesurjoznaje. Mahčyma, napačatku jany nie ŭsprymali heta surjozna, dumali, što ŭsio projdzie, ale kali vyjaviłasia, što jon idzie da kanca, byŭ pieryjad, što jany ŭ pryncypie nie viedali, što rabić.
A kab jon nie ŭsprymaŭsia jak pakutnik za nacyjanalnyja ideały, była zroblenaja sproba pakazać jahonyja nibyta nieadekvatnyja pavodziny, tamu i źmiaścili jaho ŭ hetaje adździaleńnie».
Spadar Michajłaŭ kaža, što staŭleńnie da Siarhieja Kavalenki ŭ Viciebsku nieadnaznačnaje. Na biełaruskaj kafiedry ŭniviersiteta, dzie pracuje Siarhiej Michajłaŭ, dobra razumiejuć situacyju, kaža jon, na inšych kafiedrach šmat chto nia viedaje, inšyja staviacca abyjakava: «Pytajucca, a dziela čaho jon haładaje, a navošta jon sam siabie davodzić da takoj situacyi. Tady niejak tłumačyš, što sprava nie ŭ ježy, a ŭ tym, što jon adstojvaje svaje pravy. Tady niekatoryja razumiejuć, niekatoryja nia chočuć razumieć. Ale salidarnaści z Kavalenkam u Viciebsku sapraŭdy nie chapaje».
Siabra
Kamientary