Jaho mierkavałasia zładzić u parku Družby narodaŭ.
Minharvykankam admoviŭ pradstaŭnikam apazicyi ŭ praviadzieńni mitynhu 1 maja. Pra heta paviedamiŭ adzin z zajaŭnikaŭ akcyi namieśnik staršyni Biełaruskaj partyi levych «Spraviadlivy śviet» Valeryj Uchnaloŭ.
Pavodle jaho słoŭ, admova ŭ praviadzieńni mitynhu ŭ parku Družby narodaŭ staličnyja ŭłady abhruntavali tym, što ŭ hetym miescy «zapłanavana praviadzieńnie inšaha mierapryjemstva».
«Što heta za mierapryjemstva, mnie nie paviedamili. Siońnia my z astatnimi zajaŭnikami akcyi źbiaremsia, kab abmierkavać, jak reahavać na admovu ŭ praviadzieńni mitynhu», — skazaŭ Uchnaloŭ.
Jak raniej paviedamlałasia, akramia Uchnalova pad zajaŭkaj na praviadzieńnie mitynhu taksama padpisvalisia staršynia arhkamiteta pa stvareńni Biełaruskaj partyi pracoŭnych Alaksandr Buchvostaŭ i pradstaŭnik Biełaruskaj
Jany prasili dazvoł na praviadzieńnie mitynhu ŭ parku Družby narodaŭ, jaki pavinien byŭ prajści pad łozunhami «Spynić padzieńnie ŭzroŭniu žyćcia!», «Svabodu palitviaźniam!», «Spraviadlivyja vybary — spraviadlivaja ŭłada».
Kamientary