Admianiŭ svoj vizit u Jałtu prezident Niamieččyny, a Mierkiel budzie bajkatavać Jeŭra-2012.
Prezident Čechii Vacłaŭ Kłaŭs admianiŭ vizit va Ukrainu ŭ nastupnym miesiacy z-za situacyi z eks-premjeram Ukrainy Julijaj Cimašenkaj, paviedamlaje Reuters.
Kłaŭs, takim čynam, dałučyŭsia da prezidenta Hiermanii Joachima Haŭka, jaki vyrašyŭ admianić ŭdzieł u samicie prezidentaŭ Centralnaj Jeŭropy ŭ Jałcie 11-12 traŭnia.
Čechija raniej dała palityčny prytułak mužu eks-premjera Alaksandru Cimašenku. Ukraina sutykajecca ź vialikimi źniešniepalityčnymi ciažkaściami z-za mahčymaha bajkotu jeŭrapiejskimi palitykami čempijanatu Jeŭropy pa futbole 2012 hoda, jaki projdzie na Ukrainie i ŭ Polščy ŭ červieni. Niamiecki časopis Der Spiegel paviedamiŭ u niadzielu, što kancler Niamieččyny Anhieła Mierkiel moža nie naviedać turnir [zbornaja Niamieččyny budzie pravodzić matčy hrupavoha turnira va Ukrainie], kali Cimašenka zastaniecca ŭ turmie.
Julija Cimašenka, jakaja adbyvaje termin za parušeńni, dapuščanyja (na dumku śledstva) pry padpisańni hazavych kantraktaŭ z Rasijaj, zajaviła ŭ aŭtorak, što jaje źbili pry pieravozcy z kałonii ŭ balnicu. Pa słovach eks-premjera, troje supracoŭnikaŭ kałonii vykručvali joj ruki i nohi, a taksama ŭdaryli jaje ŭ žyvot.
Kamientary