Ministar pracy i sacyjalnaj abarony Ŭładzimier Patupčyk, kirujučy asabistym aŭto, źbiŭ u Miensku čałavieka. Paciarpiełaha dastavili ŭ bolnicu, dzie toj chutka pamior. Zaraz pravodziać raśśledavańnie.
Ministar pracy i sacyjalnaj abarony Ŭładzimier Patupčyk, kirujučy asabistym aŭto, źbiŭ u Miensku čałavieka. Paciarpiełaha dastavili ŭ bolnicu, dzie toj chutka pamior. Zaraz pravodziać raśśledavańnie.
Jak stała viadoma, darožna‑transpartnaje zdareńnie adbyłosia jašče 9 sakavika, paśla 23.00. Jedučy na svaim aŭtamabili «Aŭdzi‑100» vulicaj Prytyckaha, Ministar źbiŭ na nieviadomaha mužčynu, što znachodziŭsia na darozie. Jak adznačajuć krynicy va Ŭpraŭleńni Dziaržaŭtainspekcyi HUUS Mienharvykankamu, u toj viečar stajała pahoda, daroha była aśvietlenaja.
Ministar vyklikaŭ «chutkuju», DAI i pasprabavaŭ dapamahčy paciarpiełamu. Niahledziačy na poźni čas i śviatočnyja dni, na miesca DTZ adrazu prybyli namieśnik načalnika UDAI HUUS Mienharvykankamu i načalnik adździełu DAI UUS Frunzenskaha rajonu.
Jak ustalavali prybyłyja medyki, u vyniku DTZ paciarpieły atrymaŭ čerapna‑mazhavuju ciažkaj stupieni ź pierałomam sklapieńnia i asnovy čerapu. Jaho dastavili ŭ 9‑iu Haradzkuju kliničnuju bolnicu, dzie jon, tak i nie aprytomnieŭšy, pamior, nie dažyŭšy navat da ranicy.
Praz kolki dzion vyznačyli asobu pamierłaha. Im staŭsia 27‑hadovy žychar haradzkoha pasiołku Ivianiec Vałožynskaha rajonu. Pamierły byŭ asudžany za kradziež i z 23 lutaha 2007 h. adbyvaŭ pakarańnie ŭ papraŭčaj ustanovie adkrytaha typu (pa‑prostamu — «na chimii») №37, što mieścicca ŭ Vałožynie. Pavodle paviedamleńnia administracyi PUAT №37, pamierły 6 sakavika samavolna pakinuŭ papraŭčuju ŭstanovu i ličyŭsia va ŭciokach.
Kančatkovuju karcinu zdareńnia musić prajaśnić raspačataje raśśledavańnie.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili partyju palitviaźniaŭ10
Kamientary