Žančyna mocna pabiłasia.
Viečaram 1 maja ŭ padvalnaje pamiaškańnie novabudoŭli pa adrasie Ihumienski trakt, 16 u Minsku zvaliłasia žančyna ź niemaŭlom u kalascy, paviedamiŭ Tut.by Andrej.
Chłopiec jechaŭ na rovary, kali pačuŭ, jak pobač z novaj šmatpaviarchoŭki chtości ŭpaŭ.
- Pieršy pavierch hetaj novabudoŭli z boku vulicy adviedzieny, vierahodna, pad budučuju kramu.
Pobač z adnym z uvachodaŭ i raźmieščany spusk u padvał: dzirka ź leśvicaj, hłybinioj kala 4 mietraŭ, biez usialakich aharodžaŭ.Kali ja padjechaŭ, na padłozie hetaj jamy lažała žančyna, pobač ź joj była kalaska, ź jakoj ludzi ŭžo dastali spałochanuju małuju.
Pa słovach Andreja, dzicia płakała i klikała maci. Žančyna, na vyhlad 25-30 hadoŭ, była biez prytomnaści.
- Vyzvali chutkuju, ale jana pryjechała nie adrazu. Kali ja źjazdžaŭ, žančyna nibyta aprytomnieła, jana skardziłasia na boli, možna tolki zdahadvacca, jakija traŭmy jana atrymała, zvaliŭšysia z takoj vyšyni.
Paciarpiełaja ź pierałomami była dastaŭlena ŭ Balnicu chutkaj miedycynskaj dapamohi.
Jama da hetaha času nie nakrytaja.
Što tyčycca novabudoŭli, to jana ŭžo zdadziena žycharam, pastupova dom zasialajecca. Ničym nie abharodžanaja dzirka ŭ ziamli ŭ vyhladzie padvała čakaje ... ci to płota ad zabudoŭščyka, ci to novaj achviary.
- Uzdoŭž hetaha doma prakładzienyja chodniki, tam pastajanna chtości hulaje, ludzi z kalaskami, moładź, jeździać na rovarach, - kaža Andrej. - Praściej prostaha zvalicca ŭ hetuju dzirku. Čamu da hetaha času hety padvał nie nakryty kratami? Paśla ŭčorašniaha na miescy, dzie sarvałasia žančyna, chtości pakłaŭ došku, ale ž hetaha vidavočna nie dastatkova!
Zabudoŭščyk novabudoŭli - SP TAA «BietatronInžynierynh». Źviazacca z kiraŭnictvam kampanii na momant publikacyi naviny nie atrymałasia.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary