Hrošaj na ramont u biudžecie niama.
Žychary niekalkich damoŭ na vulicy Kamunistyčnaj źviarnulisia ŭ redakcyju «Viačerniaha Minska» z pytańniem: kali narešcie haradskija słužby zojmucca ramontam nabiarežnaj Śvisłačy? Spakojna prajścisia ŭzdoŭž raki ad parku Horkaha da vuł. Ja. Kupały ŭžo niemahčyma: vakoł jamy, pravały, kałdobiny, pakryviŭsia parapiet: uviečary možna spatyknucca i padviarnuć nahu.
Rekanstrukcyja nabiarežnaj u centry horada patrebnaja daŭno.Bierahi raki «adzieli» ŭ bieton jašče ŭ siaredzinie minułaha stahodździa. Kapitalnaha ramontu z taho času nie było. Śpiecyjalisty letaś jašče raz paćvierdzili: nabiarežnaja nie prosta maje drenny vyhlad, jana rujnujecca, i kaśmietyčnymi mierapryjemstvami spravie nie dapamahčy.
Jašče try hady tamu architektaram daručyli raspracavać prajekt rekanstrukcyi. Mierkavałasia zamianić parapiet, vykanać novaje brukavańnie. Adnak da stadyi ŭzhadnieńnia prajekt tak i nie dajšoŭ: akazaŭsia zadarahim. Reč u tym, što dla vykanańnia ŭsich prac nieabchodna panižać uzrovień vady ŭ race dzieści na paŭtara mietra. A heta dadatkovyja raschody.
Ciapier pradumvajecca mienš darahi varyjant rekanstrukcyi: mahčyma, nabiarežnuju nie buduć raźbirać całkam, a tolki ŭmacujuć praz peŭnuju kolkaść mietraŭ. Heta sekanomić finansy, ale tolki adterminuje čas paŭnavartasnaha kapramontu.
— Kančatkovaha rašeńnia pakul nie pryniali, i ŭ inviestycyjnuju prahramu hetaha hoda abjekt nie ŭvajšoŭ, — tłumačyć hienieralny dyrektar DVA «Kamunalnaja haspadarka Minharvykankama» Eduard Zotaŭ. — Mahčyma, srodki znojducca ŭ nastupnym hodzie. Tady budzie raspracavany budaŭničy prajekt, a zatym pačnuć rekanstrukcyju.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary