Ukraina ŭ 2011 hodzie padniałasia na 7-je miesca ŭ śviecie pa kolkaści spam-zombi (sietki kamputaraŭ, što raspaŭsiudžvajuć spam). Pra heta paviedamiŭ žurnalistam kansultant pa infarmacyjnaj biaśpiecy amierykanskaj kampanii Symantec u Rasii i SND Alaksandr Sujazaŭ. Jon pradstaviŭ štohadovuju spravazdaču ab pahrozach internet-biaśpiecy, raspracavanuju Symantec.
Pavodle spravazdačy,
Ukraina ŭpieršyniu ŭvajšła ŭ dziesiatku krain z najbolšaj kolkaściu spam-zombi, fišynhu i sietkavych napadaŭ,
skazaŭ Sujazaŭ. U cełym, pavodle jaho słoŭ, Ukraina za hod padniałasia z 31-ha na 23-je miesca ŭ suśvietnym rejtynhu pa kolkaści internet-pahroz.
U piaciorcy ŭkrainskich haradoŭ pa kolkaści škodnych prahram lidziruje Kijeŭ, dalej za im iduć Lvoŭ, Adesa, Dnieprapiatroŭsk i Danieck.
Na dumku ekśpiertaŭ Symantec, pryčyn pavieličeńnia kolkaści škodnaha PZ niekalki. U pryvatnaści, pryłady dla napadaŭ stali bolš dastupnymi.
«Raniej, kab zrabić napad, treba było kala 100 tys dalaraŭ. Ciapier heta možna zrabić i za 200 dalaraŭ», —
adznačyŭ Sujazov. Hetym ža, na jaho dumku, možna rastłumačyć i pavieličeńnie kolkaści napadaŭ na kampanii małoha i siaredniaha biznesu, tady jak raniej napadam ŭ asnoŭnym padviarhalisia bujnyja karparacyi i dziaržaŭnyja struktury. Charakterna, što
bolš virusaŭ raspaŭsiudžvajecca praz sajty relihijnaj tematyki. Ekśpierty tłumačać heta tym, što časta takija sajty zroblenyja nieprafiesijna i na ich nie nadajecca abo mała nadajecca ŭvahi IT-biaśpiecy.
Novaj
tendencyjaj minułaha hoda Symantec nazyvaje pavieličeńnie raspaŭsiudžvańnia virusaŭ praz sacyjalnyja sietki, a taksama pavieličeńnie kolkaści škodnasnaha PZ dla mabilnych pryład.
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Kamientary