«Razam z našymi amierykanskimi siabrami nam treba pačać dumać pra niejkuju pierachodnuju radu».
Aŭdronius Ažubalis u intervju niaŭradavaj arhanizacyi Carnegie Europe paviedamiŭ pra ideju «radykalnaha rašeńnia» biełaruskaha pytańnia.
«Ja ŭžo sapraŭdy stamiŭsia ad usich płanaŭ padtrymki apazicyi ŭ Biełarusi. Apazicyja padzielenaja. U jaje niama jasnaj pazicyi ŭ spravie padrychtoŭki da nastupnych vybaraŭ»,— skazaŭ Ažubalis.
«Ja baču adzin, davoli radykalny sposab.
Razam z našymi amierykanskimi siabrami nam treba pačać dumać pra niejkuju pierachodnuju radu. Treba stvaryć alternatyŭny centr ułady.Hetkaja paralelnaja struktura mahła b mieć rozhałas u samoj Biełarusi. Voś takaja ideja. Ale pakul što z Brusela niama nijakaj reakcyi».
U kamentary, nakiravanym ahienctvu BNS u aŭtorak, ministr śćviardžaje, što jaho krytyčnyja słovy ŭ intervju nia treba aceńvać jak vykazvańnie suprać padtrymki apazicyi.
«Ja vykazaŭ krytyčny pohlad na bahaćcie płanaŭ biełaruskaj apazicyi, jakija časta supiarečać adzin adnamu i ŭzajemna dublujucca. Ja vykazaŭsia nie suprać ich padtrymki, a tolki suprać bahaćcia płanaŭ, jakija pakul nie dajuć adčuvalnych vynikaŭ», — śćviardžaje Ažubalis.
«Jak ja asabista, tak i Ministerstva zamiežnych spravaŭ pad maim kiraŭnictvam, zaŭsiody pracavali i pracujem, prykładajučy maksimalnyja namahańni dla taho, kab demakratyčnyja pracesy ŭ Biełarusi stali niezvarotnymi — ci heta tyčycca supracoŭnictva z hramadzianskaj supolnaściu, apazicyi abo našaj pracy ź mižnarodnymi partniorami ŭ hetym pytańni», — skazaŭ ministr.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary