Adbudziecca pryvatyzacyja słužbovaha žytła

Asobnym słužboŭcam budzie dazvolena da 1 studzienia 2008 hoda pryvatyzavać zajmanyja słužbovyja žyłyja pamiaškanni.

U Biełarusi ŭvodzicca novy paradak pradastaŭleńnia i vykarystańnia słužbovych žyłych pamiaškańniaŭ dziaržaŭnaha žyllovaha fondu, a taksama značna zvužajecca koła asobaŭ, jakija nadzialajucca pravam na atrymańnie takoha žylla. Adpaviedny Ukaz № 128 «Ab niekatorych pytańniach pradastaŭleńnia i vykarystańnia žyłych pamiaškańniaŭ dziaržaŭnaha žyllovaha fondu» kiraŭnik dziaržavy padpisaŭ 19 sakavika.

Słužbovyja žyłyja pamiaškanni buduć pradastaŭlacca tolki ŭ indyvidualnym paradku Prezidentam Biełarusi, uradam i abłvykankamami i pa vuzkamu pieraliku padstaŭ.

Ustanoŭleny vyčarpalny pieralik asobaŭ, jakija majuć prava na atrymańnie słužbovaha žylla biez uliku padstaŭ. Heta: suddzi i prakurorskija rabotniki, vajennasłužačyja, asoby radavoha i načalnickaha składu orhanaŭ unutranych spraŭ, finansavych rasśledavańniaŭ, orhanaŭ i padraździaleńniaŭ pa nadzvyčajnych situacyjach, a taksama śpiecyjalisty, jakija zabiaśpiečvajucca žyllom, pabudavanym za košt biudžetnych srodkaŭ, što nakiroŭvajucca na pieraadoleńnie nastupstvaŭ čarnobylskaj katastrofy.

Urehulavany pytanni vykarystańnia žyllovaha fondu, pabudavanaha za košt metavych srodkaŭ, jakija štohod praduhledžvajucca ŭ biudžecie na pieraadoleńnie nastupstvaŭ čarnobylskaj katastrofy: vyznačany katehoryi hramadzian, jakim buduć pradastaŭlacca takija žyłyja pamiaškanni, a taksama ŭmovy i padstavy ich pradastaŭleńnia.

Niezasielenyja žyłyja pamiaškanni ŭ žyłych damach, pabudavanych za košt nazvanych srodkaŭ, raźmieščanych u nasielenych punktach, vyviedzienych z zabrudžanych terytoryj, dazvolena vykarystoŭvać tolki ŭ jakasci słužbovych. Praduhledžany mahčymasci vyrašeńnia žyllovych pytańniaŭ niekatorym katehoryjam asob, što zajmajuć słužbovyja žyłyja pamiaškanni, pradastaŭlenyja da ŭstupleńnia ŭ siłu ŭkaza Prezidenta ad 29 listapada 2005 hoda № 565.

Tak, sudździam i prakurorskim rabotnikam (jakija majuć patrebu ŭ palapšenni žyllovych umoŭ i jakija prapracavali 10 i bolš hadoŭ na nazvanych pasadach), vajennasłužačym (jakija majuć patrebu ŭ palapšenni žyllovych umoŭ i majuć vysłuhu 10 i bolš hadoŭ), hramadzianam, jakija nie padlahajuć vysialeńniu sa słužbovych žyłych pamiaškańniaŭ biez pradastaŭleńnia im inšych žyłych pamiaškańniaŭ u vypadkach, praduhledžanych zakanadaŭčymi aktami, pradastaŭleny dva sposaby nabyćcia ŭłasnaha žylla.

Pa‑pieršaje, im dazvolena pryvatyzavać na vypłatnaj asnovie da 1 studzienia 2008 hoda zajmajemyja słužbovyja žyłyja pamiaškanni dziaržaŭnaha žyllovaha fondu. U vypadku śmierci (hibieli, pryznańnia adsutnym bieź viestak) najmalnika słužbovaha žyłoha pamiaškańnia z liku vyšejpieraličanych katehoryj asobaŭ, jaki nie vykarystaŭ prava pryvatyzacyi ŭ termin da 1 studzienia 2008 hoda, prava pryvatyzacyi zajmajemaha słužbovaha žylla ŭ hety ž termin i na takich ža ŭmovach pradastaŭlajecca členam jaho siam'i.

Pa‑druhoje, u vypadku kali najmalnik słužbovaha žyłoha pamiaškańnia nie vykarystaje ŭ termin da 1 studzienia 2008 hoda prava na jaho pryvatyzacyju, to za im na termin da 10 hadoŭ zachoŭvajecca prava karystańnia hetym žyłym pamiaškańniem dla vyrašeńnia na praciahu hetaha času žyllovaha pytańnia šlacham budaŭnictva (rekanstrukcyi) abo nabyćcia žyłoha pamiaškańnia z pryciahnieńniem ilhotnych kredytaŭ abo pazačarhovaje atrymańnie žylla sacyjalnaha karystańnia.

Členam siemjaŭ zahinułych sudździaŭ, prakurorskich rabotnikaŭ, vajennasłužačych u suviazi z vykanańniem słužbovych abaviazkaŭ pradastaŭlena prava na atrymańnie zajmajemaha słužbovaha žyłoha pamiaškańnia ŭ karystańnie pa dahavoru najmu žyłoha pamiaškańnia dziaržaŭnaha žyllovaha fondu abo budaŭnictva (rekanstrukcyju) abo nabyćcio žyłoha pamiaškańnia (na praciahu šasci miesiacaŭ z dnia hibieli) ź dziaržaŭnaj padtrymkaj u vyhladzie adnarazovaj biazvypłatnaj subsidyi.

Vieteranam bajavych dziejańniaŭ na terytoryi inšych dziaržaŭ, členam siemjaŭ vajennasłužačych, zahinuŭšych u hady Vialikaj Ajčynnaj vajny, i členam siemjaŭ zahinuŭšych vieteranaŭ bajavych dziejańniaŭ na terytoryi inšych dziaržaŭ pradastaŭlena prava na atrymańnie žylla sacyjalnaha karystańnia.

• 0
• 0
• 0
• 0
• 0
• 0
• 0
• 0