Vidavočna, u jaho parušanaja psichika, jon u stupary.
Znojdzieny apošni z 15 pamiežnikaŭ pahraničnaha pasta «Arkankierhien» u Ałmacinskaj vobłaści Kazachstana. Pra heta paviedamlaje ahienctva Tengrinews.kz.
«Učora jon sam pryjšoŭ da pasta. Pry im byŭ pistalet. Vidavočna, u jaho parušanaja psichika, jon u stupary», — skazaŭ surazmoŭca ahienctva. Sałdat terminovaj słužby vyjšaŭ da zharełaha pasta, dzie ŭ toj čas pracavała śledčaja hrupa. Pa słovach vajskoŭca, uvieś hety čas jon chavaŭsia ŭ piačory niepadalok.
Na minułym tydni pamiežny narad pahraničnaj zastavy «Sary Bokter» Ušarałskaha pahraničnaha atrada rehijanalnaha ŭpraŭleńnia pamiežnaj słužby «Šyhys» (Uschod), natrapiŭ u harach na zhareły budynak pahraničnaha pasta «Arkankierhien», na jakim u letni čas niasuć słužbu 15 pamiežnikaŭ. Na miescy trahiedyi byli cieły 14 pamiežnikaŭ, akramia taho, u palaŭničaj chatcy niepadalok znajšli cieła jehiera.
Prezident Kazachstana Nursułtan Nazarbajeŭ nazvaŭ trahiedyju na zastavie teraktam.
5 červienia ŭ Kazachstanie abvieščanaja nacyjanalnaja žałoba.
Kamientary