Відавочна, у яго парушаная псіхіка, ён у ступары.
Знойдзены апошні з 15 памежнікаў пагранічнага паста «Арканкерген» у Алмацінскай вобласці Казахстана. Пра гэта паведамляе агенцтва Tengrinews.kz.
«Учора ён сам прыйшоў да паста. Пры ім быў пісталет. Відавочна, у яго парушаная псіхіка, ён у ступары», — сказаў суразмоўца агенцтва. Салдат тэрміновай службы выйшаў да згарэлага паста, дзе ў той час працавала следчая група. Па словах вайскоўца, увесь гэты час ён хаваўся ў пячоры непадалёк.
На мінулым тыдні памежны нарад пагранічнай заставы «Сары Боктэр» Ушаралскага пагранічнага атрада рэгіянальнага ўпраўлення памежнай службы «Шыгыс» (Усход), натрапіў у гарах на згарэлы будынак пагранічнага паста «Арканкерген», на якім у летні час нясуць службу 15 памежнікаў. На месцы трагедыі былі целы 14 памежнікаў, акрамя таго, у паляўнічай хатцы непадалёк знайшлі цела егера.
Прэзідэнт Казахстана Нурсултан Назарбаеў назваў трагедыю на заставе тэрактам.
5 чэрвеня ў Казахстане абвешчаная нацыянальная жалоба.
Прапагандысты запэўніваюць, што 196 палітвязняў ужо на свабодзе9
Каментары