Biełaruś admoviłasia vydać Ukrainie ŭkrainskaha bankira

Słužba biaśpieki Ukrainy płanavała pryciahnuć viadomaha bankira da adkaznaści za raskradańnie 620 młn hrn z Fondu harantavańnia ŭkładaŭ fizičnych asob (FHUFA). Biełaruskaja prakuratura spasłałasia na toje, što vydača padazravanaha moža nanieści škodu suvierenitetu abo biaśpiecy krainy. Ekśpierty nazyvajuć takuju admovu jurydyčnym nonsensam i padazrajuć najaŭnaść damoŭlenaści pra toje, kab Pavieł Barulka nie źjaviŭsia va Ukrainie.

Kryminalnaja sprava ab kradziažy srodkaŭ z bankaŭ «Jeŭrapiejski» i «Nacyjanalny standart» była raspačataja ŭ 2010 hodzie. Choć jašče 14 kastryčnika 2009 SBU paviedamlała kiraŭnictvu Nacyjanalnaha banka, što 20 žniŭnia za niekalki hadzin bolš za 400 čałaviek adkryli ŭ banku «Nacyjanalny standart» depazity pa 150 tys. hrn «z metaj ich dalejšaha źniaćcia najaŭnymi praz FHUFA». Paśla hetaha anałahičnaja schiema była znojdzienaja ŭ «Jeŭrapiejskim». Padčas śledstva było vyśvietlena, što ludziam, jakija adkryvali rachunki, płacili ŭznaharodžańnie pa 40–100 hrn, ich pryvozili z Čarkaskaj i Danieckaj abłaściej. Paśla čaho «ŭkładčyki» z pačkam pašpartoŭ sprabavali atrymać kampiensacyju z FHUFA. Im, pavodle dadzienych SBU, udałosia atrymać za košt srodkaŭ fondu 444,2 młn hrn.

Pavodle infarmacyi śpiecsłužby, asnoŭnym akcyjanieram hetych bankaŭ byŭ Pavieł Barulka, jaki ličycca arhanizataram nazvanych schiem. Akramia taho, bankir atrymaŭ u NBU refinansavańnie dla bankaŭ «Jeŭrapiejski», «Nacyjanalny standart» i «Uładzimirski».

Daśviedčany juryst zajaviŭ, što, niahledziačy na sproby SBU damahčysia ekstradycyi Paŭła Barulki, jaho vypuścili ź SIZA pad padpisku ab niavyjeździe. «Užo try tydni jon spakojna hulaje pa Biełarusi», — skazaŭ jon. Pry hetym ekśpierty nazyvajuć jurydyčna niepiśmiennaj farmuloŭku biełaruskaj prakuratury. U art. 19 kanviencyi, na jakuju spasyłajecca viedamstva, havorycca «ab admovie ŭ pravavoj dapamozie, kali jana moža nanieści škodu suvierenitetu abo biaśpiecy albo supiarečyć zakanadaŭstvu zapytvanaha boku». U liście Hienprakuratury ŭdakładniajecca, što «vydača Paŭła Barulki supiarečyć zakanadaŭstvu Respubliki Biełaruś». «Admova naiŭnaja ź jurydyčnaha punktu hledžańnia. Biełaruś nie moža paciarpieć ad vydačy padazravanaha ŭ finansavym złačynstvie ŭ inšaj krainie, — kaža partnior jurfirmy „Łaŭrynovič i partniory“ Maksim Łaŭrynovič. — Spasyłacca na hety artykuł kanviencyi — nonsens, da jakoha jašče nichto nie źviartaŭsia. Kanviencyja — prevalavalny dakumient zakanadaŭstva i nie moža supiarečyć ni nacyjanalnym intaresam, ni nacyjanalnamu zakanadaŭstvu».

• 0
• 0
• 0
• 0
• 0
• 0
• 0
• 0