26 červienia vykanaŭca partyi Kvazimoda ŭ Notre-Dame de Paris Haru adznačaje 40 hod.
Sapraŭdnaje imia Haru — Pjer Haran. Jon naradziŭsia ŭ kanadskim horadzie Šerbruk u Kvebeku. Muzykaj zachapiŭsia z rańniaha dziacinstva. Spačatku byli prostyja chatnija ŭroki, zatym muzyčnaja škoła i vajskovy arkiestr.
Paśla vojska Pjer zarablaŭ na žyćcio vuličnymi vystupleńniami, kancertami ŭ barach. A tam i da ŭłasnaha hurtu sprava dajšła. Kancert za kancertam, udziačnaja publikaja i važny słuchač, jaki zaprasiŭ śpievaka na prasłuchoŭvańnie. Prysłuchoŭvalisia da Haru niedoŭha — praź jaki čas jamu prapanavali rolu Kvazimoda ŭ hrandyjoznaj pastanoŭcy Notre-Dame de Paris. Tak Haru zdabyŭ suśvietnuju słavu.
Belle
Pośpiech ad znakavaj roli, jak heta časta byvaje, nie raścisnuŭ pad saboj novuju zorku. Złyja jazyki schilnyja kazać, što na pavierchni jon zdoleŭ utrymacca nie ŭ apošniuju čarhu dziakujučy znakamitaj ziamlačcy Sielin Dyjon i jaje mužu i pradziusaru Rene Anželilu. Dy jak kažuć, sabaki brešuć, karavan idzie. Paśla roli ŭ Notre-Dame de Paris Haru zapisaŭ siem albomaŭ, źniaŭsia ŭ kino i praśpiavaŭ na adkryćci Alimpijskich hulniaŭ u Vankuviery ŭ 2010-m.
Sous le vent
Kamientary