Žonka Bialackaha paskardziłasia ŭ Departamient vykanańnia pakarańniaŭ
Natalla Pinčuk, žonka palitviaźnia, pravaabaroncy Alesia Bialackaha źviarnułasia ŭ Departament vykanańnia pakarańniaŭ MUS sa skarhaj na rašeńnie administracyi Babrujskaj kalonii pakarać jaje muža za parušeńnie ŭnutranaha režymu.
Natalla Pinčuk: «Mnie stała viadoma, za što na Alesia nakłali apošniaje pakarańnie, z-za jakoha jaho pazbavili doŭhaterminovaha spatkańnia i zaličyli ŭ „złosnyja parušalniki“ —
jon zasnuŭ udzień, što ŭ ich ličycca značnym parušeńniem.Adnak vyjaviłasia, što Aleś prymaje leki ad cisku, jakija sparadžajuć sanlivaść. Hetyja leki jamu vypisaŭ lekar u kalonii aficyjna, bo ŭ jaho pavialičvajucca prablemy sa zdaroŭjem. Atrymlivajecca, zaraz pierad Alesiem dylema: albo prymać leki, ryzykujučy tym, što jon moža znoŭ zasnuć, albo nie prymać i pahłyblać chvarobu. Bo zrazumieła, što prablemy ź ciskam majuć tendencyju da raźvićcia, kali nie rabić zachadaŭ».
Natalla Pinčuk prosić źmianić rašeńnie ab pakarańni jaje muža na miakčejšaje. U Departamencie vykanańnia pakarańniaŭ skarhu žonki Alesia Bialackaha Natalli Pinčuk pryniali i skazali, što adkaz jana atrymaje praz 15 dzion.
Kiraŭnik pravaabarončaha centru «Viasna» Aleś Bialacki asudžany na 4,5 hoda turmy ŭ listapadzie letaś. Jaho pryznali vinavatym u niapłacie padatkaŭ. Pravaabaronca svajoj viny nie pryznaŭ i zajaviŭ, što ŭsie hrošy, atrymanyja na jahonyja rachunki, išli na pravaabarončuju dziejnaść.
Padstavaj dla kryminalnaha pieraśledu Bialackaha stała infarmacyja pra bankaŭskija rachunki, jakuju pieradali aficyjnamu Miensku Litva i Polšča.
Krainy Eŭraźviazu, ZŠA i mižnarodnyja pravaabarončyja arhanizacyi ličać Bialackaha palitviaźniem, a prysud jamu — palityčna matyvavanym. Jany patrabujuć ad uładaŭ Biełarusi vyzvalić pravaabaroncu.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary