Afrykanski som biełaruskaj vytvorčaści źjavicca ŭ kramach ŭ nastupnym hodzie.
Vytvorčaść darahich vidaŭ ryby buduć raźvivać u Biełarusi. Pra heta zajaviŭ siońnia premjer-ministr Michaił Miaśnikovič, jaki naviedaŭ rybavodčuju haspadarka «Jasielda».
Biełaruś štohod impartuje kala 160 tysiač ton ryby, u asnoŭnym marskoj, zatračvajučy na heta kala $200 miljonaŭ.Ciapier rybu ŭ pramysłovych maštabach vyrašana vyroščvać i na radzimie. Pry hetym, padkreśliŭ premjer, pavinien zabiaśpiečvacca poŭny technałahičny cykł - ad vytvorčaści pasadkavaha materyjału, pramysłovaj vytvorčaści da pieršasnaj pierapracoŭki.
Płanujecca, što ŭžo ŭ bližejšyja hady na stale ŭ biełarusaŭ źjaviacca dalikatesnyja hatunki ryby, jakija buduć bolš dastupnyja pa canie, čym tyja, što impartujucca. «Pa vidach samoŭ da 2015 hoda my vychodzim na 1,9 tysiač ton u hod vytvorčaści, pa fareli i hrupie łasasiovych - 2-2,5 tysiačy ton, i dla hetaha ŭ nas sioleta ŭvodziacca mahutnaści ŭ Horkach pa pasadačnamu materyjału, jaki zakryje patrebnaści ŭ malaŭcy», - skazaŭ premjer-ministr. Akramia hetaha,
płanujecca vyjści na vytvorčaść asiatrovych prykładna ŭ 350 ton u hod.
A ŭ nastupnym hodzie ŭ prodaž pačnie pastupać kłaryjevy (afrykanski) som biełaruskaj vytvorčaści. Užo zapuščana pieršaja čarha vytvorčaha kompleksu. Afrykanski som adroźnivajecca vysokimi smakavymi i jakasnymi charaktarystykami. «Heta dyjetyčnaje dalikatesnaje charčavańnie, svajho rodu płavajučaja apteka pa ŭtrymańni karysnych elemientaŭ», - kažuć pra rybu śpiecyjalisty.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska11
Kamientary