Taksama prahnazujucca zalevy, časam hrad.
Da kanca tydnia ŭ Biełarusi pachaładaje, paviedamiła hałoŭny sinoptyk Respublikanskaha hidramietearałahičnaha centra Ludmiła Paraščuk. Pavodle jaje słoŭ, aktyŭny atmaśfierny front Polščy pačaŭ patrochu źmiaščać z terytoryi krainy haračaje trapičnaje pavietra. Tempieratura vyšej za 30 hradusaŭ siońnia čakajecca tolki pa paŭdniovym uschodzie Biełarusi." Z hetym frantalnym padziełam źviazany ceły bukiet niespryjalnych mietearałahičnych źjaŭ: navalnicy, pry navalnicach škvalistaje ŭzmacnieńnie vietru, miescami mocnyja liŭni.
Pavodle jaje słoŭ, hetaj nočču frantalny padzieł jašče budzie farmiravać nadvorje ŭ Biełarusi, a dniom pojdzie na ŭschod.Atmaśfierny cisk pačnie raści, i nočču na bolšaj častcy terytoryi, a dniom miescami pieravažna pa ŭschodzie krainy projduć karotkačasovyja daždžy i navalnicy. U načnyja hadziny ŭ asobnych rajonach čakajucca mocnyja liŭni, nočču pry navalnicach miescami škvalistaje ŭzmacnieńnie vietru. Tempieratura pavietra prahnazujecca nočču 14–21°S, maksimalnaja dniom 23–28°S, na paŭdniovym uschodzie miescami pa Bresckaj vobłaści i miescami pa Homielskaj da 30°S.
Jak paviedamiła sinoptyk, u sieradu charaktar nadvorja istotna nie źmienicca. Miescami pa krainie čakajucca karotkačasovyja daždžy i navalnicy.Tempieratura pavietra nočču 12–19°S, maksimalnaja dniom 24–29°S. Pa poŭdni Bresckaj i Homielskaj abłaściej miescami čakajecca da 30. Taki tempieraturny fon
Pavodle słoŭ Paraščuk, u čaćvier aktyŭny atmaśfierny front z paŭdniovaha zachadu Jeŭropy pryniasie na bolšuju častku terytoryi ŭ Biełarusi karotkačasovyja daždžy i navalnicy. U dzionnyja hadziny ŭ asobnych rajonach mahčymyja mocnyja daždžy, miescami pry navalnicach škvalistaje ŭzmacnieńnie vietru. Tempieratura pavietra nočču 13–19°S, maksimalnaja dniom 23–29°S, pa paŭdniovym uschodzie Bresckaj i Homielskaj abłaściej miescami prykładna 30°S. U zachodnich rajonach Biełarusi, dzie prahnazujecca šmat vobłakaŭ, čakajecca ŭsiaho prykładna 20°S.
Pačynajučy ź piatnicy zachodnija vietry pačnuć pastaŭlać u Biełaruś vilhotnaje i niaŭstojlivaje akijaničnaje pavietra.Tempieratura pavietra nočču čakajecca 9–16°S, maksimalnaja dniom ad 16°S pa paŭnočnym zachadzie da 24°S pa paŭdniovym uschodzie krainy.
Pavodle słoŭ sinoptyka, u najbližejšyja vychadnyja čakajecca niaŭstojlivaje ŭmierana ciopłaje nadvorje. U subotu nočču 7–14°S, dniom 17–24°S. Pa paŭdniovym uschodzie Homielskaj vobłaści trochi ciaplej. U niadzielu nočču 9–16°S, dniom 17–24°S. Takija tempieratury blizkija da lipieńskich norm u Biełarusi, adznačyła Paraščuk. U bolšaści rajonaŭ krainy projduć karotkačasovyja daždžy, časam navalnicy.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»20
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary