Andreja Abozava źniali ź ciahnika Miensk - Talin, kab vydać biełaruskim pravaachoŭnym orhanam. Adnak sud Ćviary pastanaviŭ, što zatrymanaha nia vydaduć, bo ŭ rasiejskim KK adsutničaje adpaviedny artykuł.
Adzin sa stvaralnikaŭ prajekta «Multkłub», techničny kaardynatar interniet‑sadružnaści «Treci šlach» Andrej Abozaŭ maje namier prasić palityčnaha prytułku ŭ Estonii. Pra heta paviedamlaje interniet‑sajt «Treciaha šlachu».
25 sakavika A.Abozaŭ byŭ zatrymany ŭ Ćviary. Jon jechaŭ z Ukrainy ŭ Estoniju cieraz rasijskuju terytoryju. Supracoŭniki milicyi źniali biełaruskaha hramadzianina ź ciahnika «Maskva — Talin». Rasijskija pravaachoŭnyja orhany abjavili ŭ vyšuk A.Abozava pa zapycie biełaruskaha boku.
Adnak ćviarski sud pastanaviŭ, što zatrymany nie moža być vydany biełaruskim pravaachoŭnym orhanam, pakolki ŭ rasijskim Kryminalnym kodeksie adsutničaje adpaviedny artykuł. Aprača taho, jak śćviardžaje A.Abozaŭ, sprava «Multkłuba» była pryznana palityčnaj u Rasii jašče ŭ 2005 hodzie, i jana dahetul znachodzicca pad kantrolem rasijska‑biełaruskaj pravaabarončaj kamisii pry prezidencie Rasijskaj Fiederacyi.
26 sakavika A.Abozaŭ byŭ pad vartaj dastaŭleny da estonskaj miažy.
U žniŭni 2005 hoda prakuratura Minska raspačała kryminalnuju spravu pa fakcie raspaŭsiudžvańnia ŭ interniecie multfilmaŭ, «jakija hańbiać honar i hodnaść prezidenta Biełarusi». Padstavaj stali multyplikacyjnyja filmy, jakija pradstaŭlajuć nievialikija siužety satyryčnaha charaktaru, hałoŭnym hierojem jakoha źjaŭlajecca Alaksandr Łukašenka. Kryminalny kodeks praduhledžvaje pakarańnie za padobnaje złačynstva ŭ vyhladzie pazbaŭleńnia abo abmiežavańnia voli na termin da piaci hadoŭ.
U ramkach kryminalnaj spravy ŭ jakaści śviedkaŭ byli dapytanyja administratar sajta Andrej Abozaŭ i kaardynatar prajekta Pavieł Marozaŭ. Supracoŭniki KDB praviali ŭ ich kvaterach vobšuki, kanfiskavali 12 adzinak kampjuternaj techniki, na jakich mahli stvaracca multfilmy.
A.Abozaŭ, P.Marozaŭ i jašče adzin padazrony Aleh Minič nie stali čakać aryštaŭ i vyjechali ŭ sumiežnyja krainy.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB17
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary