Ukazam prezidenta ad 23 lipienia № 330 «Ab uniasieńni źmianieńniaŭ i dapaŭnieńniaŭ u niekatoryja ŭkazy prezidenta Respubliki Biełaruś» pryviedzieny ŭ adpaviednaść z Kodeksam ab šlubie i siamji asobnyja pravavyja normy.
Pavodle źviestak
U adpaviednaść z kodeksam pryvodziacca pałažeńni ŭkaza prezidenta ad 12 červienia 2006 hoda № 385 «Ab niekatorych mierach pa ŭdaskanaleńni pracy orhanaŭ, jakija rehistrujuć akty hramadzianskaha stanu».
Pryvodziacca ŭ adpaviednaść pałažeńni pieraliku administracyjnych pracedur, jakija ažyćciaŭlajucca dziaržaŭnymi orhanami i inšymi arhanizacyjami pa zajavach hramadzian, zaćvierdžanaha ŭkazam ad 26 krasavika 2010 hoda № 200.
U vyniku karekciroŭki «vyklučany normy, jakija ŭstanaŭlivajuć nieabchodnaść padavańnia pry rehistracyi naradžeńnia dziciaci dahavora surahatnaha maciarynstva».Heta źviazana z tym, što infarmacyja ab tym, što maci dziciaci źjaŭlajecca žančyna, jakaja zaklučyła dahavor surahatnaha maciarynstva, utrymlivajecca ŭ miedycynskaj daviedcy ab naradžeńni.
Pry rehistracyi šlubu pa miescy žycharstva baćki asoby, jaki braŭ šlub, vyklučana nieabchodnaść padavańnia dakumienta, što śviedčyć asobu takoha baćki.
Zaraz kodeksam praduhledžana rehistracyja šlubu lubym orhanam ZAHS pa vybary asob, jakija brali šlub.
Pieralik taksama dapoŭnieny praceduraj skasavańnia šlubu orhanami ZAHS. Heta robicca ŭ suviazi z davańniem kodeksam z 1 studzienia 2013 hoda orhanam ZAHS prava skasoŭvać šlub pry najaŭnaści zhody muža i žonki, jakija nie majuć ahulnych niepaŭnaletnich dziaciej i sprečki ab majomaści.
Ukaz nabyvaje moc 24 lipienia, za vyklučeńniem pałažeńniaŭ, što datyčacca skasavańni šlubu orhanami ZAHS, jakija nabyvajuć moc 1 studzienia 2013 hoda.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary