Sidorski patrochu akreślivaje niefarmalnyja praviły pryvatyzacyi

Košt pradpryjemstvaŭ pry pryvatyzacyi budzie vyznačacca ŭ zaležnaści ad unutranaj kańjunktury, a taksama ad cenaŭ na naftu.

Ab hetym paviedamiŭ siońnia premjer-ministr Biełarusi Siarhiej Sidorski na pres-kanfierencyi pa vynikach pasiadžeńnia Kansultatyŭnaha savieta pa zamiežnych inviestycyjach.

Premjer-ministr nahadaŭ, što Biełaruś adkryta adnosicca da pryvatyzacyi bujnych pramysłovych pradpryjemstvaŭ. Štohod prymajecca prahrama pryvatyzacyi pradpryjemstvaŭ. "My bačym, jakija pradpryjemstvy majuć vostruju patrebu ŭ źniešnich i ŭnutranych inviestycyjach, i prapanujem ich da akcyjaniravańnia", - skazaŭ jon.

Siarhiej Sidorski padkreśliŭ, što Biełaruś vitaje luboha inviestara, jaki choča pryjści da nas pracavać. Ale pradpryjemstvy buduć pradavacca tolki pa realnaj rynačnaj vartaści. I heta budzie zaležać nie tolki ad unutranych, ale i źniešnich faktaraŭ. U jakaści prykładu jon pryvioŭ rost cen na naftu, jakaja za apošni hod vyrasła ŭ dva razy na suśvietnym rynku. Hety faktar adpaviedna taksama ŭpłyvaje na rynačny košt našych pradpryjemstvaŭ, "zrazumieła, raście i kapitalizacyja našych zavodaŭ", - adznačyŭ biełaruski premjer.

Tamu ŭsim, chto žadaje ŭdzielničać u pryvatyzacyi i choča kuplać našy pradpryjemstvy, my prapanujem uličvać hetyja ŭmovy. Zamiežny inviestar moža ŭdzielničać u pryvatyzacyi biełaruskich pramysłovych pradpryjemstvaŭ pa realnaj rynačnaj vartaści. "Mienavita dla hetaha my i kapitalizavali našu pramysłovaść, kab havaryć ab tym, kolki kaštujuć našy pradpryjemstvy na rynku. A jany kaštujuć stolki, kolki vypuskajecca na ich praduktu i kolki kaštuje ŭ cełym biźnies, dziejučy na hetych pradpryjemstvach", - padkreśliŭ Siarhiej Sidorski. "My pierajšli ad toj stadyi pryvatyzacyi, kali mahli pradavać pradpryjemstvy pa vartaści jaho stankoŭ i abstalavańnia. Ciapier hałoŭnaje ŭ hetym pracesie košt biźniesu. Dla hetaha my ŭkładvali hrošy ŭ našy pradpryjemstvy, kab ich madernizavać", - adznačyŭ kiraŭnik urada.

Jon nahadaŭ, što mnohija zavody ŭkładvali ŭ svajo techničnaje raźvićcio pa $100-300 młn. u hod. Tamu kapitalizacyja takich pradpryjemstvaŭ davoli vysokaja.

Pry hetym Siarhiej Sidorski kateharyčna adchiliŭ mahčymuju prapanovu addać našy zavody za biascenak. "Hetaha nie budzie, kali navat nas buduć padšturchoŭvać da takoha kroku", - padkreśliŭ jon.

• 0
• 0
• 0
• 0
• 0
• 0
• 0
• 0