Jon źmieščany ŭ miedsančastku.
U palitviaźnia Źmitra Daškieviča, jaki adbyvaje pakarańnie ŭ Hłybockaj kałonii, vyjaŭlena zapaleńnie lohkich — adnabakovaja pnieŭmanija. Pra heta ŭ svaim fejsbuku paviedamiła niaviesta Źmitra, lidarka «Maładoha frontu» Nasta Pałažanka.
Nahadajem, što Źmicier Daškievič bolš za 1,5 hoda znachodzicca za kratami.
Źmicier byŭ zatrymany razam sa svaim tavaryšam pa MF Eduardam Łobavym 18 śniežnia 2010 hoda, napiaredadni vybaraŭ prezidenta, pa abvinavačańni ŭ źbivańni dvuch minčan. I Daškievič, i Łobaŭ kateharyčna admaŭlali abvinavačańni, ale sud pryznaŭ ich vinavatymi. 24 sakavika 2011 hoda Daškievič byŭ pryhavorany da dvuch hadoŭ pazbaŭleńnia voli ŭ kałonii ahulnaha režymu. U miescach pazbaŭleńnia voli Daškieviču nieadnarazova prapanoŭvali napisać prašeńnie ab pamiłavańni na imia Łukašenki, ale jon admaŭlaŭsia heta zrabić. U apošni čas lidar «Maładoha frontu» pieryjadyčna pamiaščajecca ŭ štrafny izalatar kałonii № 13 u Hłybokim (Viciebskaja vobłaść), dzie jon adbyvaje pakarańnie.
Niadaŭna ŭ dačynieńni da Daškieviča raspačali novuju spravu — pa č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli).U vypadku pryznańnia viny Daškieviču pahražaje pazbaŭleńnie voli terminam da adnaho hoda (ciapier jamu zastajecca adbyć piać miesiacaŭ pakarańnia).
Usie sudovyja pracesy pa spravach Źmitra Daškieviča byli rascenienyja pravaabaroncami jak palityčna matyvavanyja, a arhanizacyja «Mižnarodnaja amnistyja» dvojčy pryznavała jaho viaźniem sumleńnia.
20 lipienia Źmitru Daškieviču spoŭniŭsia 31 hod.
Jamu možna adpravić list abo paštoŭku. Adras nastupny:
Źmicier Daškievič
papraŭčaja kałonija № 13
vuł. Savieckaja, 205
h. Hłybokaje,
Viciebskaja vobł., 211791.
Taksama možna dać telehramu, patelefanavaŭšy sa svajho haradskoha telefona numara na numar 166.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks26
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary