Što takoje «Bank raźvićcia Respubliki Biełaruś» i čym jon zajmajecca?
Były
Zahad ab stvareńni Banka raźvićcia Respubliki Biełaruś byŭ dadzieny kiraŭnikom dziaržavy hod tamu, u červieni 2011 hoda. Hałoŭny fakt, jaki charaktaryzuje jaho dziejnaść, — heta nie bank u kłasičnym razumieńni.
Asnoŭnaja meta arhanizacyi — finansavańnie dziaržaŭnych prahram. Raniej hety hruz visieŭ na «Biełarusbanku» i «Biełahraprambanku»,kiraŭnikom jakoha, darečy, raniej pracavaŭ Rumas. Ilhotnyja kredyty, vydadzienyja kałhasam i inšym stratnym arhanizacyjam, viartalisia ŭ banki nie zaŭsiody, što psavała spravazdačnaść hałoŭnych bankaŭ krainy.
Paradu ab stvareńni asobnaj struktury nieadnarazovy davali ekanamisty Mižnarodnaha valutnaha fondu.
Aproč taho, na Bank raźvićcia Respubliki Biełaruś pierakłali absłuhoŭvańnie dziaržaŭnych pazykaŭ, uziatych u zamiežnikaŭ.
Zasnavalnikami banka stali Nacbank (5%) i Saviet Ministraŭ (95%), jakija razam unieśli ŭ statutny fond kala $2,5 miljona. Cikava, što, pavodle aficyjnaj spravazdačnaści,
Bank raźvićcia paśpieŭ zarabić za 2011 hod kala $4 miljonaŭ.A pracavała ŭ im usiaho try čałavieki.
Siarod kandydataŭ na kiraŭnictva ŭ banku časta nazyvaŭsia Siarhiej Rumas. Praŭda, staršynia Nacbanka Nadzieja Jermakova paŭtara miesiaca tamu publična abvierhła hetyja čutki.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary