Што такое «Банк развіцця Рэспублікі Беларусь» і чым ён займаецца?
Былы
Загад аб стварэнні Банка развіцця Рэспублікі Беларусь быў дадзены кіраўніком дзяржавы год таму, у чэрвені 2011 года. Галоўны факт, які характарызуе яго дзейнасць, — гэта не банк у класічным разуменні.
Асноўная мэта арганізацыі — фінансаванне дзяржаўных праграм. Раней гэты груз вісеў на «Беларусбанку» і «Белаграпрамбанку»,кіраўніком якога, дарэчы, раней працаваў Румас. Ільготныя крэдыты, выдадзеныя калгасам і іншым стратным арганізацыям, вярталіся ў банкі не заўсёды, што псавала справаздачнасць галоўных банкаў краіны.
Параду аб стварэнні асобнай структуры неаднаразовы давалі эканамісты Міжнароднага валютнага фонду.
Апроч таго, на Банк развіцця Рэспублікі Беларусь пераклалі абслугоўванне дзяржаўных пазыкаў, узятых у замежнікаў.
Заснавальнікамі банка сталі Нацбанк (5%) і Савет Міністраў (95%), якія разам унеслі ў статутны фонд каля $2,5 мільёна. Цікава, што, паводле афіцыйнай справаздачнасці,
Банк развіцця паспеў зарабіць за 2011 год каля $4 мільёнаў.А працавала ў ім усяго тры чалавекі.
Сярод кандыдатаў на кіраўніцтва ў банку часта называўся Сяргей Румас. Праўда, старшыня Нацбанка Надзея Ермакова паўтара месяца таму публічна абвергла гэтыя чуткі.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары