Vjetnamskuju avijakampaniju VietJet Air aštrafavali za toje, što jana zładziła šou z udziełam pretendentak na zvańnie miascovaj karalevy pryhažości ŭ bikini padčas palotu.Jak paviedamlaje Agence France-Presse, suma štrafu skłała adnu tysiaču dalaraŭ.
Pa słovach pradstaŭnikoŭ uładaŭ, praviadzieńnie niaŭzhodnienaha šou padčas palotu źjaŭlajecca "parušeńniem praviłaŭ pieralotaŭ ŭ krainie".
Piać udzielnic konkursu pryhažości tancavali havajskija tancy ŭ bikini na praciahu troch chvilin padčas pieršaha rejsa VietJet Air z Chašymina ŭ turystyčny centr Niačanh,jaki adbyŭsia 3 žniŭnia. Hetaj akcyjaj
avijakampanija chacieła pryciahnuć uvahu da novaha kirunku.Pasažyry zapisvali taniec dziaŭčat na mabilnyja telefony, paśla čaho vykłali svaje videa ŭ internet.
Incydent z havajskich tancami asudzili nie tolki vjetnamskija ŭłady, ale i miascovyja internet-karystalniki,što prytrymlivajucca kansiervatyŭnych pohladaŭ.
Heta nie pieršy vypadak, kali avijakampanija pravodzić rekłamnuju akcyju z eratyčnym uchiłam.Naprykład, irłandskaja kampanija Ryanair na praciahu niekalkich hadoŭ vypuskała kalandar sa svaimi ściuardesami ŭ napaŭaholenym vyhladzie. U 2011 hodzie na taki kalandar pastupiła niekalki tysiač skarhaŭ rekłamnym rehulataram ad šviedaŭ i anhličanaŭ.
Kamientary