В'етнамскую авіякампанію VietJet Air аштрафавалі за тое, што яна зладзіла шоу з удзелам прэтэндэнтак на званне мясцовай каралевы прыгажосці ў бікіні падчас палёту.Як паведамляе Agence France-Presse, сума штрафу склала адну тысячу даляраў.
Па словах прадстаўнікоў уладаў, правядзенне няўзгодненага шоу падчас палёту з'яўляецца "парушэннем правілаў пералётаў ў краіне".
Пяць удзельніц конкурсу прыгажосці танцавалі гавайскія танцы ў бікіні на працягу трох хвілін падчас першага рэйса VietJet Air з Хашыміна ў турыстычны цэнтр Нячанг,які адбыўся 3 жніўня. Гэтай акцыяй
авіякампанія хацела прыцягнуць увагу да новага кірунку.Пасажыры запісвалі танец дзяўчат на мабільныя тэлефоны, пасля чаго выклалі свае відэа ў інтэрнэт.
Інцыдэнт з гавайскіх танцамі асудзілі не толькі в'етнамскія ўлады, але і мясцовыя інтэрнэт-карыстальнікі,што прытрымліваюцца кансерватыўных поглядаў.
Гэта не першы выпадак, калі авіякампанія праводзіць рэкламную акцыю з эратычным ухілам.Напрыклад, ірландская кампанія Ryanair на працягу некалькіх гадоў выпускала каляндар са сваімі сцюардэсамі ў напаўаголеным выглядзе. У 2011 годзе на такі каляндар паступіла некалькі тысяч скаргаў рэкламным рэгулятарам ад шведаў і англічанаў.
-
Алімпійскі прызёр Максім Недасекаў ажаніўся другі раз. Гэтым разам з Лалітай
-
Маладое пакаленне перастала гэтага саромецца: 22% амерыканцаў пакалення Z лічаць сябе ЛГБТК. Абсалютная большасць з іх — гэта бісэксуалы
-
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў
Каментары