SK pačaŭ zavodzić kryminalnyja spravy.
Da raspadu SSSR usie vajskoŭcy byli na słužbie Uzbrojenych sił Savieckaha sajuza. Kali ž z byłych respublik sajuza pačali ŭtvaracca samastojnyja dziaržavy, vajskoŭcam dali prava vybirać, na słužbie jakoj krainy jany zastanucca.
Jak praviła, na terytoryi jakoj dziaržavy vajskoviec słužyŭ u hety čas, na słužbie toj i zastavaŭsia.
Ale mnohija vajskoŭcy praz
Ale znajšłosia dosyć šmat vajskoŭcaŭ, jakija vyrašyli schitravać i stać piensijanierami adrazu dźviuch dziaržavaŭ, atrymlivajučy adnačasova piensiju ad Ministerstvaŭ abarony Rasii i Biełarusi.
Raźlik byŭ na toje, što ŭ błytaninie paśla razvału SSSR vajskovyja viedamstvy naŭrad ci zmohuć razabracca, chto i kolki piensijanieraŭ utrymlivaje.Tak jano i było da apošniaha času. Adnak niadaŭna vajskovyja viedamstvy Rasii i Biełarusi źvieryli śpisy piensijanieraŭ i vyjavili vialikuju kolkaść ašukancaŭ, što aformili piensiju adrazu ŭ dźviuch dziaržavach. Paśla hetaha pačałasia karpatlivaja apieratyŭnaja praca pravaachoŭnych orhanaŭ, bo ŭ dziejańniach vajskoŭcaŭ vidavočna ŭhledžvalisia prykmiety machlarstva. I voś źjavilisia pieršyja vyniki hetaj dziejnaści.
Tak, kiravańniem Śledčaha kamiteta pa Mahiloŭskaj vobłaści zaviedzienaja kryminalnaja sprava suprać hramadzianina Rasii, žychara v. Alaksandrava Čavuskaha rajona. Piensijanier pierajechaŭ na pastajannaje miesca žycharstva ŭ Biełaruś i sa studzienia 1998 padmanam aformiŭ piensiju ŭ Ministerstvie abarony Biełarusi, atrymlivajučy pry hetym piensiju ŭ Minabarony Rasii. Były vajskoviec 14 hadoŭ atrymlivaŭ piensiju ŭ dźviuch dziaržavach, niezakonna pakłaŭšy ŭ kišeń bolš za 64 młn rubloŭ i pryčyniŭšy na hetuju sumu škodu Ministerstvu abarony Biełarusi.
Jašče adna kryminalnaja sprava raspačataja Śledčym kamitetam u dačynieńni da kiraŭnika fiermierskaj haspadarki Bresckaj vobłaści. Z žniŭnia 1993 h. ašukanskim šlacham aformiŭšy vajskovyja piensii ŭ Minabarony Biełarusi i Minabarony Rasii, piensijanier za 19 hadoŭ zdoleŭ niezakonna pakłaści ŭ svaju kišeń bolš 276 młn rubloŭ.
U dačynieńni da abodvuch piensijanieraŭ zaviedzienyja kryminalnyja spravy pa prykmietach złačynstva, praduhledžanaha č.4 art.209 Kryminalnaha kodeksa Biełarusi (machlarstva, ździejśnienaje arhanizavanaj hrupaj albo ŭ asabliva bujnym pamiery), sankcyja jakoj praduhledžvaje pakarańnie da 10 hadoŭ pazbaŭleńnia voli.
Ciapier praciahvajecca praca pa vyjaŭleńni vajskovych
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary