«Pole cudaŭ» zastajecca samaj papularnaj prahramaj ANT

Telebačańnie praciahvaje zastavacca zvykłym sposabam bavić čas. Kolki b ludzi ni aburalisia tym, što pa telebačańni pakazvajuć — televizar možna znajści amal u luboj kvatery.

My prapanujem vašaj uvazie Top-10 pieradač za červień, składzieny kanałam ANT. Pakolki ANT pracuje nie tolki ź biełaruskim kantentam, a taksama z prahramami rasijskaha Pieršaha kanała, rejtynh atrymaŭsia źmiešanym.

Varta adznačyć, što ANT — najbolš rejtynhavy ź biełaruskich kanałaŭ.

10 miesca. «Čakaj mianie» — 8.3%

Prahrama «Čakaj mianie», jakuju vioŭ Ihar Kvaša, zastavałasia adnoj z najpapularniejšych z momantu źjaŭleńnia na ekranie — niezdarma jana zaŭždy išła ŭ prajm-tajm. U studyju prychodziać ludzi, jakija imknucca znajści svaich blizkich, siabroŭ i inšych ludziej, jakija źnikli albo čyje kantakty zhubilisia kančatkova.

9 miesca. «Vialikaja roźnica» — 8.5%

Humarystyčnaje šou Ivana Urhanta i Alaksandra Cykała z parodyjami na ŭsie mahčymyja teleprahramy, filmy, sieryjały i masavuju kulturu ŭ cełym, nastolki papularnaje, što ŭ Biełarusi była stvoranaja svaja viersija pieradačy pad biełaruskamoŭnaj nazvaj «Vialikaja roźnica», z tymi samymi viadučymi.

8 miesca. «Čakaj mianie. Biełaruś» — 9,1%

Biełaruski anałah rasijskaj pieradačy, kudy bolš aktualny dla biełaruskaj aŭdytoryi.

7 miesca. «Fabryka zorak» 9.6%

Novaja viersija niekali zvyšpapularnaha šou, z toj roźnicaj, što ciapier źmianiŭsia sens pieradačy: zamiest stvareńnia kanviejernym šlacham u anłajn-farmacie zorak z prostych hramadzian hledačam prapanujecca paraŭnać pośpiechi ukrainskich i rasiejskich vypusknikoŭ byłych «Fabryk». Aproč taho, u červieni taki samy rejtynh mieła pieradača «Tvorčy viečar Eduarda Chila» — paśla śmierci śpievaka jahony bieniefis pakazali pa ANT nie adzin raz.

6 miesca. «Kontury» — 9.7%

Aŭtary pieradačy vyznačajuć jaje žanr jak «Infarmacyjny art». Pakiniem takuju acenku na ich sumleńni.

5 miesca. «Muzyčnyja viečary ŭ Mirskim zamku» — 9.9%

Trochdzionny muzyčny marafon u Mirskim zamku štohod stanovicca adnoj z samych rejtynhavych pieradač kanała — reč u tym, što na hetuju muzyčnuju imprezu abaviazkova zavitvajuć muzyki, jakija majuć status lehiendarnych, a paśla ich kancerty ź vialikim pośpiecham tranślujucca ŭ viačernim efiry.

4 miesca. «Našy naviny» u 20.30 — 10.7%

U rejtynh trapili viečarovyja naviny, jakija iduć adrazu paśla rasijskaj nvainaj prahramy «Vriemia». Što cikava, «Vriemia» maje bolšuju papularnaść siarod hledačoŭ ANT, čym biełaruskija naviny.

3 miesca. «Vriemia» — 12.6%

Mahčyma, biełaruskija hledačy stamilisia ad dosyć adnolkavych biełaruskich navinaŭ i z bolšym zadavalnieńniem hladziać naviny rasiejskija, a taksama zamiežnyja — a mahčyma paśla paŭhadzinnaha «Vriemieni» nie va ŭsich zastajecca enerhija dla dadatkovych navin.

2 miesca. «Niachaj havorać» — 12.8%

Prahrama Andreja Małachava «Niachaj havorać» maje farmat tok-šou, u jakim kožny dzień razhladajecca jakoje-niebudź zdareńnie, što vyklikaje ŭ hramadstvie vodhuk. U studyju zaprašajucca ŭdzielniki zdareńnia, vidavočcy, ekśpierty i hledačy, jakija biaruć u sprečcy haračy ŭdzieł. Mahčyma, papularnaść pieradačy źviazana z tym, što ŭ joj dobra prahladajecca žyćcio rasijskaj hłybinki, a ź situacymi, padobnymi da tych, što vynosiacca abmierkavańnie, sutykaŭsia amal kožny.

1 miesca. «Pole cudaŭ» — 19.6%

A samaj papularnaj pieradačaj kanała ANT źjaŭlajecca kapitał-šou «Pole cudaŭ» Leanida Jakuboviča, jakoje pieramahaje ŭ rejtynhu z rekordnym adryvam u 7%. Idzie «Pole cudaŭ» u praj-tajm u piatnicu. Zdavałasia b, pieradača pa adhadvańni słovaŭ pa litarach zastałasia daloka ŭ 90-ch hadach, adnak i zaraz amatary «krucić baraban» i pieradać słoik-druhi salonych hurkoŭ u muziej pieradačy kožnuju piatnicu źbirajucca la televizara.

• 0
• 0
• 0
• 0
• 0
• 0
• 0
• 0