U Estonii adkryli darohu, na jakoj zabaraniajecca pryšpilvacca ramianiami biaśpieki
U Estonii adkryłasia niezvyčajnaja aŭtadaroha, na jakoj kiroŭcam i pasažyram zabaroniena pryšpilvacca ramianiami biaśpieki. Havorka idzie pra ladovuju pierapravu pamiž astravami Chijumaa i Saaremaa. Maršrut praciahłaściu kala 17 kiłamietraŭ prakładzieny prosta pa zamierzłaj pavierchni Bałtyjskaha mora, piša Telegraf.news.
Zvyčajna złučeńnie pamiž hetymi astravami zabiaśpiečvaje parom, ale hetaj zimoj spačatku ŭzrovień vady mocna paniziŭsia, a paśla mora ŭvohule zamierzła, tamu sudnachodstva spyniłasia. Kali taŭščynia lodu dasiahnuła nieabchodnych 20—25 santymietraŭ, ułady dazvolili adkryć časovuju darohu pa lodzie.
Dla Estonii takija pierapravy nie źjaŭlajucca redkaściu, chacia z-za paciapleńnia klimatu apošnija hady jany adkryvajucca značna radziej. Stan lodu pastajanna kantralujecca, adnak kiroŭcy pavinny stroha vykonvać śpiecyjalnyja praviły. Ruchacca možna tolki ŭdzień, a ramiani biaśpieki vykarystoŭvać zabaroniena — u vypadku, kali lod treśnie i aŭtamabil pačnie tanuć, niepryšpileny čałaviek zmoža chutčej vybracca z mašyny.
Taksama važnaja chutkaść ruchu. Jechać zanadta pavolna nielha, bo heta moža vyklikać niebiaśpiečny rezanans lodu. Rekamiendujecca padtrymlivać chutkaść nie mienš za 25 km/h, aptymalna — ad 40 da 70 km/h.
Ź pieršaha dnia pieraprava vyklikała vialikuju cikavaść: na abodvuch bierahach utvarylisia čerhi ź dziasiatkaŭ aŭtamabilaŭ. Dla mnohich žycharoŭ hety maršrut dazvalaje aščadzić čas u paraŭnańni z paromam, jaki zimoj pracuje niestabilna.
Choć u rehijonie jość i inšyja ladovyja darohi, nie ŭsie jany majuć aficyjny status. Dziaržaŭnaje transpartnaje ahienctva vyrašyła nie adkryvać novyja pierapravy ŭ hetym siezonie z-za finansavych abmiežavańniaŭ. Tamu žychary niekatorych astravoŭ prakładajuć ułasnyja maršruty, ale karystańnie imi adbyvajecca na ŭłasnuju ryzyku.
Aršanski jabaćka nie dajšoŭ praź śnieh da ściaha na płoščy i ciapier skardzicca na kamunalnikaŭ
Cieniavy fłot Pucina pad pahrozaj — 14 krain Jeŭropy chočuć zabłakavać jaho ŭ Bałtyjskim mory
U Finskim zalivie znoŭ paškodzili kabiel, jaki źviazvaje Finlandyju i Estoniju
U Łatvii zadumali razabrać čyhunku, što viadzie u Rasiju
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary