Redaktar rajonki — kandydatu: Paćvierdzicie svaju prahramu aficyjnymi dakumientami
Siabar Hramady Valancin Łazarenkaŭ bałatujecca ŭ Ivacevickaj vybarčaj akruzie №11, kudy uvachodzić i častka Biarozaŭskaha rajona. Na minułym tydni kandydat dasłaŭ u biarozaŭskuju rajonku «Majak» svaju prahramu. Ale redaktar Alaksandr Ivanoŭ zajaviŭ, što ŭ tekście palityka adzin z faktaŭ nie adpaviadaje rečaisnaści. Maŭlaŭ, astatnija redakcyja pravieryła, i jany paćvierdzilisia.
I pakul Łazarenkaŭ nie padmacuje svaje słovy aryhinalnymi dakumientami, prahramu nie nadrukujuć.
Bo ŭ vypadku niesapraŭdnaj infarmacyi na haziety mohuć padać u sud.
Spravy datyčyć doma ŭ Biełaaziersku. Z 2006-ha štohod da žycharoŭ prychodziać supracoŭniki ŽKH, kab tyja padpisali abaviazacielstvy nie vychodzić na bałkony. Praz drenny techničy stan jany mohuć abvalicca. I ludzi padpisvajuć. A z 2009-ha im abiacajuć unieści dom u śpis na kapitalny ramont. Ale biezvynikova.
Kandydat zadajecca pytańniem, ci treba čakać trahiedyi, kab pačać kapitalny ramont. I na što iduć hrošy, jakija ŭ žycharoŭ vyličvajuć niepasredna na ramont?
Tolki paśla ŭmiašańnia sakratara akruhovaj vybarčaj kamisii Ivanoŭ paabiacaŭ 12 vieraśnia nadrukavać prahramu Łazarenkava.
Zakanadaŭstva abaviazvaje rajonki publikavać prahramy kandydataŭ, a adkaznaść za ich źmiest, pa zakonie, niasie sam kandydat.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary