Vybary ŭ Biełarusi nie byli biesstarońnimi, što padryvaje davier da vybarčaj kampanii — takaja sutnaść papiaredniaha dakłada Biuro pa demakratyčnych instytutach i pravach čałavieka (BDIPČ) i Parłamienckaj asamblei (PA) ABSIE.
Dakład prezientavany 24 vieraśnia na bryfinhu ŭ Minsku. Kančatkovy dakład naziralnikaŭ ABSIE płanujecca padrychtavać na praciahu dvuch miesiacaŭ.
«Šmatlikija abaviazacielstvy ŭ miežach ABSIE pa demakratyčnych pravach hramadzian na svabodnaje vyłučeńnie kandydataŭ i mahčymaść svabodna vykazvać mierkavańnie nie byli vykananyja», — havorycca ŭ prezientavanym dakładzie.
«Vybary nie pravodzilisia biesstaronna, a praces padačy skarhaŭ i apielacyj nie harantavaŭ efiektyŭnaha srodku abarony», — adznačajuć naziralniki.
«Vybary nie byli kankurentazdolnymi z samaha pačatku, — zajaviŭ kiraŭnik misii karotkaterminovych naziralnikaŭ PA ABSIE Matea Miekačy.— Svabodnyja vybary zaležać ad mahčymaści ludziej svabodna havaryć, svabodna arhanizoŭvać i bałatavacca, čaho my nie ŭbačyli padčas hetaj kampanii».
Razam z tym jon padkreśliŭ: «My
U svaju čarhu kiraŭnik misii naziralnikaŭ BDIPČ ABSIE Antonia Miłašoski adznačyŭ: «Adsutnaść niejtralitetu i biesstaronnaści z boku vybarčych kamisij surjozna padryvaje davier hramadstva da hetaha pracesu.Hramadzianie pavinny być upeŭnienyja ŭ tym, što ich hałasy sumlenna padličanyja. Niedachop vyraznych pracedur padliku i mahčymaściaŭ dla naziralnikaŭ nazirać za hetym, kab paćvierdzić vyniki, vyklikajuć surjoznuju tryvohu».
Naziralniki ad ABSIE taksama adznačajuć: «Niahledziačy na rost liku kandydataŭ ad palityčnych partyj, viadomyja palityčnyja fihury, jakija mahli syhrać svaju rolu, abo zastavalisia ŭ turmie, abo nie byli zarehistravanyja z pryčyny najaŭnaści kryminalnych spraŭ».
Akramia taho, pavodle mierkavańnia naziralnikaŭ, «niahledziačy na niekatoryja palapšeńni vybarčaha zakanadaŭstva ŭ 2010 i 2011 hadach, zakanadaŭčyja miežy ŭsio jašče nie harantujuć praviadzieńnie vybaraŭ u adpaviednaści z abaviazacielstvami ŭ miežach ABSIE i mižnarodnymi standartami».
«Vybarčaja kampanija była ledź prykmietnaja na praciahu ŭsich čatyroch tydniaŭ, — havorycca ŭ dakładzie.— Niahledziačy na toje što Kanstytucyja harantuje ŭsim prava na svabodu samavyjaŭleńnia i ŭ krainie dastatkovaja kolkaść ŚMI, aśviatleńnie kampanii nie demanstravała šyroki dyjapazon pohladaŭ. Kandydatam, jakija zaklikali da bajkotu, było admoŭlena ŭ svabodnym dostupie da miedyja, abo ich vystupleńni źviedali cenzuru. ŚMI kancentravalisia na prezidencie i ŭradzie ź vielmi małoj uvahaj da kandydataŭ u deputaty».
U dakumiencie taksama adznačajecca: «U toj čas jak papiaredniaje hałasavańnie i hałasavańnie ŭ dzień vybaraŭ charaktaryzavalisia pazityŭna, praces značna pahoršyŭsia padčas padliku hałasoŭ».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary