Pa acenkach Eŭrapiejskaj Kamisii, na siońniašni dzień taryfy na roŭminh na terytoryi EZ značna zavyšanyja. Za karotki zvanok, zrobleny za miažoj, eŭrapiejcy płociać ad 4 da 6 eŭra. U niekatorych sytuacyjach košt za padobny zvanok moža navat pieravyšać 12 eŭra.
U listapadzie 2006 h. Kamisija inicyjavała prahramu dziejańniaŭ, nakiravanych na źnižeńnie taryfaŭ na roŭminh na terytoryi EZ. 12 krasavika Kamitet Eŭrapiejskaha Parlamentu pa pytańniach pramysłovaści, daśledčyckaj dziejnaści i enerhietyki ( ITRE ) padtrymaŭ prapanovu Eŭrapiejskaj Kamisii. Zhodna z rašeńniem Kamiteta, ź leta hetaha hodu košty na roŭminh na terytoryi EZ pavinny skaracicca na 70%. Maksymalnyja staŭki roŭminhu nie pavinny pieravyšać 40 eŭracentaŭ dla zychodnych zvankoŭ i 15 eŭracentaŭ dla ŭvachodnych.
Nastupnym krokam u hetym nakirunku budzie hałasavańnie na plenarnym pasiedžańni Eŭrapiejskaha Parlamenta, zaplanavanaje na siaredzinu traŭnia. Kančatkovaje rašeńnie budzie pryniataje Parlamentam i Radaj EZ, u ramkach pracedury sumiesnaha pryniaćcia rašeńniaŭ (co‑decision ).
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary