Ivanoŭ, Piatroŭ, Sidaraŭ…
Nakolki los Biełarusi zaležyć ad persony nastupnaha kramloŭskaha kiraŭnika? Piša ŭ svaim błohu Alaksandar Kłaskoŭski.
Rasiejski bamond uciahvajecca ŭ pieradvybarnyja žarści. «Niezavimimaja hazieta» śćviardžaje ŭ siońniašnim artykule, što Pucin užo vyznačyŭ pierajemnika. «Imia budučaha prezydenta Rasiei — Siarhiej Ivanoŭ», — piša vydańnie sa spasyłkaj na kramloŭskija krynicy.
Kaniešnie, dla tamtejšych kłanaŭ persona pierajemnika maje pryncypovaje značeńnie. Havorka idzie pra dostup tych abo inšych hrupaŭ da kalasalnych resursaŭ.
Z hledzišča ž biełaruskich nacyjanalnych intaresaŭ nia maje pryncypovaha značeńnia, chto ź imaviernych nastupnikaŭ Pucina zojmie kramloŭski pasad. Ci ŭmoŭny liberał Miadźviedzieŭ, ci klasyčny čekist Siarhiej Ivanoŭ (a mo i chto treci vyskačyć by Pilip z kanapiel — tak niekali źjaviŭsia na avanscenie i sam Pucin).
U Siarhieja Ivanova, praŭda, jość u bijahrafii svojeasablivy biełaruski śled: niekali skončyŭ u Miensku Vyšejšyja kursy KDB:)
«Mahčymyja pierajemniki rasiejskaha prezydenta — najpierš prahmatyki, — padkreślivaje palitolah Andrej Fiodaraŭ. — Jak i sam Pucin. Inšaja reč, što jon atrymaŭ peŭnuju intehracyjnuju spadčynu ad Jelcyna i musiŭ niejki čas doŭžyć hulniu. U pierajemnika takoj patreby ŭžo nia budzie».
Na dumku Fiodarava, renesans «bratniaj intehracyi» tak ci inačaj niemahčymy. Luby z nastupnikaŭ budzie vieści ŭ dačynieńni da Biełarusi toj kurs, što akreśliŭsia apošnim časam. To bok Kreml budzie sprabavać dacisnuć biełaruskaje kiraŭnictva. I kali nie inkarparavać našu krainu, to pastavić jaje ŭ najmacniejšuju zaležnaść, zakabalić ekanamična. «Pytańnie chiba ŭ tym, nakolki mocna buduć prypirać da ścienki», — kaža naš ekspert.
Dadamo: kali ŭjavić małaimaviernuju perspektyvu, što da ŭłady ŭ Rasiei praryvajucca nacyjanał-patryjoty, jakija zaraz nibyta ŭ apazycyi da Kramla, to dla našaha suverenitetu heta jašče bolej niebiaśpiečna. Svajho kumira Łukašenku jany bačać na čale imperyi. Niezaležnaj Biełarusi na ichniaj mapie prosta niama.
Tak što i adno nie cukierka i druhoje nia redźka. Inšaja reč, što rasiejski čyńnik pry ŭsioj jahonaj mocy — nie fatalny. Vialikuju rolu hraje mižnarodny kantekst. Hałoŭnaje ž — sama Biełaruś pry ŭsich anamalijach raźvićcia maje na siońnia značny niezaležnicki patencyjał.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary