Bialacki za apošni miesiac atrymaŭ 800 paštovak
Aleś Bialacki atrymaŭ bolš za 800 vinšavalnych paštovak, u tym liku fatazdymak kaleh-viasnoŭcaŭ.
Pravaabaronca Aleś Bialacki atrymaŭ bolš za 800 paštovak, u jakich ludzi vinšavali jaho z 50-hodździem. Siarod inšych, da pravaabaroncy ŭ Babrujskuju kaloniju dajšli paštoŭki z fatazdymkami ludziej, jakija jaho vinšavali. Siarod atrymanych pasłańniaŭ było i kalektyŭnaje fota pravaabaroncaŭ ź «Viasny», jakija arhanizoŭvali hramadzkuju kampaniju «Adpraŭ paštoŭku Alesiu Bialackamu». Aktyvistka «Viasny» Taciana Raviaka raspaviała pra apošni list Alesia Bialackaha, jaki dniami atrymała.
«Jon piša, što paštoŭki da jaho praciahvajuć iści, što razam z maim listom atrymaŭ jašče try z roznych krainaŭ. Jon byŭ vielmi ŭściešany, što atrymaŭ zdymki ludziej, jakija sfatahrafavalisia i dasyłali jamu hetyja zdymki z roznymi vinšavalnymi nadpisami. I my, viasnoŭcy, taki fatazdymak jamu dasłali, i jon jaho kamentuje: što toj źmianiŭsia, a toj vuń jakim staŭ. Bo dla jaho vielmi važna było pabačyć tvary ludziej, jakija jaho vinšavali, a taksama kalehaŭ i siabroŭ, jakich jon nia bačyŭ bolš za hod».
Aleś Bialacki adbyvaje pakarańnie ŭ Babrujskaj kalonii. Pravaabaronca asudžany na 4,5 hoda źniavoleńnia za ŭtojvańnie vialikich prybytkaŭ z-za miažy. Aleś Bialacki zajaviŭ u sudzie, što hrošy, pra jakija havorka, pajšli na dapamohu paciarpiełym ad palityčnych represij.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary