Najlepšyja stužki izrailskaha kiniematohrafu buduć pakazanyja ŭ pierakładzie na biełaruskuju movu.
Fiestyval izrailskaha kino ŭpieršyniu projdzie ŭ Biełarusi. Jak čakajecca, jon adbudziecca vosieńniu hetaha hoda, paviedamiŭ karespandentu BIEŁTA Nadzvyčajny i Paŭnamocny Pasoł Dziaržavy Izrail u Respublicy Biełaruś Ziejeŭ Bien‑Arje.
Jon adznačyŭ, što płanujecca pakazać lepšyja stužki izrailskaha kiniematohrafa, pryčym dubliravany jany buduć na biełaruskuju movu. «Kinamastactva — adzin z napramkaŭ kultury Izraila, u jakim byŭ zrobleny praryŭ. Apošnija 15‑10 hadoŭ adznačany vialikimi dasiahnieńniami ŭ halinie kino, źjaviłasia svaja škoła, cikavyja filmy, jakija z pośpiecham demanstrujucca na prestyžnych mižnarodnych fiestyvalach», — skazaŭ dypłamat.
Ziejeŭ Bien‑Arje vysoka acaniŭ uzrovień supracoŭnictva Biełarusi i Izraila ŭ śfiery kultury. Znamianalnaj padziejaj 2006 hoda, pavodle jaho słoŭ, stała vydańnie zbornika apaviadańniaŭ viadomaha izrailskaha piśmieńnika Ethara Kiereta»Kiroŭca aŭtobusa, jaki chacieŭ stať boham». Heta byŭ pieršy ŭ historyi pierakład na biełaruskuju movu knihi, napisanaj na iŭrycie. Zbornik vyklikaŭ vialikuju cikavaść, tamu ŭ płanach pasolstva na 2007 hod — vypusk u śviet jašče adnoj knihi izrailskaj litaratury na biełaruskaj movie. Heta budzie abo zbornik tvoraŭ taksama viadomaha piśmieńnika Uzi Vajla, abo antałohija apaviadańniaŭ niekalkich izrailskich litarataraŭ. Pierakładčykam znoŭ vystupić Pavieł Kaściukievič, jaki ŭžo niekalki hadoŭ zajmajecca składańniem pieršaha iŭryt‑biełaruskaha słoŭnika.
Dypłamat nahadaŭ, što knihi jaŭrejskich vydaviectvaŭ ź Izraila byli šyroka pradstaŭleny ŭ Minsku ŭ ramkach Minskaj mižnarodnaj vystaŭki‑kirmašu «Knihi Biełarusi‑2007». Dni jaŭrejskaj knihi prajšli taksama ŭ nacyjanalnaj biblijatecy Biełarusi. U ich pryniali ŭdzieł bolš jak 20 izrailskich vydaviectvaŭ. ‑
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary