Abvinavačany ŭ zdradzie Radzimy Andrej Hajdukoŭ pracavaŭ ślesaram, jahony padzielnik — u ŽKH
8 listapada ŭ Viciebsku byŭ zatrymany namieśnik kiraŭnika moładzievaj supołki «Sajuz maładych intelektuałaŭ» Andrej Hajdukoŭ. Ciapier jon znachodzicca ŭ SIZA KDB «Amierykancy».
Cikava, što pra dziejnaść Sajuza raniej ničoha nie było čuvać.
Pavodle najaŭnaj, abryŭkavaj infarmacyi, KDB abvinavačvaje maładoha aktyvista ŭ namiery zaklučyć pahadnieńnie z amierykanskimi śpiecsłužbami (CRU). Hajdukova abvinavačvajuć pa artykule 356 «Zdrada Radzimie». Heta ad 7 da 15 hadoŭ turmy. Choć spačatku abavinačvali pa artykule 356 častka 1 «Ustalavańnie supracoŭnictva sa śpiecsłužbaj, orhanam biaśpieki abo raźviedvalnym orhanam zamiežnaj dziaržavy». Pavodle hetaha, možna atrymać nie bolš za dva hady.
Što takoje «Sajuz maładych intelektuałaŭ»? Staršynia arhanizacyi Jaŭhien Kanstancinaŭ kaža:
«My ŭtvarylisia try hady tamu, letaś udzielničali ŭ Revalucyi praz sacyjalnyja sietki. Chacia najpierš myhramadska-kulturnickaja arhanizacyja. Stvarajem płatformu dla partyi intelektuałaŭ».
Jaŭhien Kanstancinaŭ nazyvaje abvinavačańni suprać Hajdukoŭ absurdnym. «Heta tryźnieńnie. Jon nie vučony, nie vajskoviec, nie raźviedčyk. Jon navat nie viedaje anhlijskaj movy, u škole vyvučaŭ niamieckuju».Andrej Hajdukoŭ pracavaŭ zvyčajnym ślesaram na zavodzie «Naftan» u Navapołacku. Navučaŭsia va ŭniviersitecie zavočna.
Mama Andreja Hajdukova Volha Piatroŭna kaža: «Viadoma, u syna byŭ svoj punkt hledžańnia na ŭsio. Jahonaje zatrymańnie — ci zvyčajnaje hłupstva, ci padstava».
Žančyna kaža, što 8 listapada ŭ ich doma prajšoŭ pieratrus. Kanfiskavali kamputary, telefony. Učora jana razam ź Jaŭhienam Kanstancinavym jeździła ŭ Minsk, kab pieradać synu nieabchodnyja rečy.
«Ciapier u jaho dziaržaŭny advakat, ale šukaje inšaha. Tut vielmi ciažka, bo heta nie majomasnyja spravy, naprykład. U hetaj śfiery znajści śpiecyjalista nie tak i lohka», — kaža Volha Piatroŭna.Darečy, Andrej Hajdukoŭ nie byŭ siabram Chryścijanskaj demakratyi. «Ja niekalki razoŭ ź im razmaŭlała pa telefonie, ale jon nie dałučaŭsia da našaha arhkamiteta», — kaža kardynatar BCHD pa Viciebščynie Taćciana Sieviaryniec.
Zatoje ŭ BCHD byŭ Illa Bahdanaŭ z Połacka, jakoha taksama zatrymlivali pa hetaj spravie 8 listapada. «Damoviŭsia ź siabrom, što jon pieranačuje ŭ mianie, jamu treba było niekudy jechać, a ja žyvu pobač z vakzałam. Čuju zvanok u dźviery adčyniaŭ. Stajać nieviadomyja mužčyny. Kažuć, z KDB. Razam ź imi byli dva studenty — paniatyja».
U Illi Bahdanava doma kanfiskavali dyski, fłeški, jak źviazanyja z «Sajuzam maładych intelektuałaŭ», tak i z BCHD. Siarod ich byli i zakliki na
«Nadzieli naručniki, kinuli na zadniaje siadzieńnie mašyny. Spačatku advieźli ŭ Navapołack, tam jašče raz praviali asabisty nadhlad, a potym pavieźli ŭ Minsk», — kaža Illa Bahdanaŭ.
U stalicy jany byli bližej da hadziny nočy.
«Paviali mianie z naručnikami niekudy navierch. Kazali, kab nie pavaročvaŭ hałavu. Mnie zdałosia, što tam bačyŭ Hajdukova ŭ apošni raz. Pryviali da śledčaha, byŭ dopyt. Nie mahu skazać, što na im było [daŭ padpisku ab nierazhałošvańni]. Mnie pakazali dokazy suprać Hajdukova. Dokazy nie piśmovyja. Ale tam usio vielmi surjozna. Bić nie bili, ale psichałahičny cisk byŭ».
Chłopiec kaža, što paśla dopytu jaho vystavili z budynka. «Ja złaviŭ taksi i paprasiŭ, kab davieźli da kalcavoj. Zapłaciŭ sto tysiač. Łaviŭ paputki, jany ŭvajšli ŭ maju situacyju i navat nie ŭziali hrošaj. Pryjechaŭ dadomu, pryniaŭ duš i navat da
Illa Bahdanaŭ pracuje ŭ sistemie ŽKH Połacka. «Na nastupny dzień na pracu prychodzili supracoŭniki KDB. Kazali, što Hajdukoŭ mianie zdaŭ. Mahčyma, heta ŭ ich taki psichałahičny truk, ale mnie ŭzhadałasia apošniaja razmova z Hajdukovym, dzie toj kazaŭ: «Kali što, ja ciabie taksama za saboj paciahnu».
Pakul što Illa Bahdanaŭ admaŭlajecca paviedamlać, u jakim statusie jon znachodzicca. Taksama i mama Andreja Hajdukova nie viedaje, na kolki dzion jaje syn uziaty pad vartu.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda6
Kamientary