Jaŭhien Kanstancinaŭ, kiraŭnik supołki «Sajuz maładych intelektuałaŭ», musiŭ zvolnicca «pa ŭłasnym žadańni» paśla vizytaŭ na pracu «ludziej u cyvilnym».
Jaŭhien Kanstancinaŭ, kiraŭnik supołki «Sajuz maładych intelektuałaŭ», musiŭ zvolnicca «pa ŭłasnym žadańni» paśla vizytaŭ na pracu «ludziej u cyvilnym».
Aktyvist apavioŭ, što pracavaŭ achoŭnikam u mienskaj kramie, i što da jaho najmalnika dvojčy prychodzili supracoŭniki KDB:
«Prychodzili dvojčy, ale na razmovy mianie asabista nia zvali — havaryli z kiraŭnictvam. Pieršy raz cikavilisia nibyta maim interviju Biełsatu, hladzieli zapisy ź videakamer, što ŭstalavanyja u našaj kramie.Pra što razmaŭlali druhi raz, ja nia viedaju, ale paśla razmovy mnie było prapanavana zvolnicca pa ŭłasnym žadańni. 17 listapada ja napisaŭ zajavu, ciapier biespracoŭny».
Spadar Kanstancinaŭ źviazvaje cikaŭnaść «ludziej u cyvilnym» da svajoj asoby niepasredna z aryštam Andreja Hajdukova, padazravanaha ŭ zdradzie dziaržavie i špijanažy. Hajdukoŭ byŭ namieśnikam Kanstancinava ŭ navapołackaj supołcy «Sajuz maładych intelektuałaŭ».
Andrej Hajdukoŭ byŭ zatrymany biełaruskimi specsłužbami 8 listapada ŭ Viciebsku «padčas zakładki tajnika» — tak havorycca ŭ aficyjnym paviedamleńni KDB. Jaŭhiena Kanstancinava, pavodle jahonych słovaŭ, na dopyty ŭ hetyja struktury nie vyklikali, ale jon nie vyklučaje takoj vierahodnaści:
«Nie vyklučaju, što heta jašče napieradzie. Tym bolej, što ŭžo dapytali jašče adnaho našaha znajomaha, Illu Bahdanava. U jaho pakul prablem z pracaj niama, nakolki ja viedaju.
A što da mianie, to heta ŭžo druhoje zvalnieńnie ŭ padobnych akaličnaściach: u 2011 hodzie ja musiŭ zvolnicca z navapołackaha pradpryjemstva „Naftan“ taksama „pa ŭłasnym žadańni“ — paśla ŭdziełu ŭ akcyjach maŭklivaha pratestu».
Illa Bahdanaŭ raspaviadaŭ žurnalistam, što da jaho na pracu taksama prychodzili supracoŭniki KDB, jakija taksama pra niešta razmaŭlali z kiraŭnictvam — jon pracuje ŭ Połackim ŽKH. Ale nijakich nastupstvaŭ hetych hutarak pakul nie było.
Bahdanava, pavodle jahonych słovaŭ, taksama vazili na dopyt u SIZA KDB, dzie ŭtrymlivajecca Andrej Hajdukoŭ. Ale nie zatrymlivali — tolki ŭziali padpisku pra nierazhałošvańnie tajamnicy śledztva pa kryminalnaj spravie, raspačataj suprać Hajdukova pavodle art. 356 «Zdrada dziaržavie ŭ formie praviadzieńnia ahienturnaj dziejnaści».
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary