Čatyry vahony niabožčykaŭ
Čatyry vahony-marazilniki z pareštkami rasiejskich vajskoŭcaŭ dniami znajšli ŭ Hroznym. Trupy pralažali tam z 1996 hodu, z časoŭ papiaredniaje čačenskaje vajny.
Miesca, dzie stajali hetyja vahony, raniej naležała rastoŭskaj vajskovaj labaratoryi, u jakoj sprabavali identyfikavać cieły zabitych. U marazilnikach znachodziacca trupy 154 asobaŭ. Pra heta ŭ piatnicu paviedamiła rasiejskaja telekampanija NTV. Paśla farmalnaha zamireńnia z čačencami pra vahony zabyli. Jak i pra sotni inšych rasiejcaŭ, što pahinuli tut u tyja hady biez usiakaha sensu.
Flora Malikava, namieśnik staršyni rasiejskaha Kamitetu sałdackich maciarok, kaža, što hetaje adkryćcio jaje nia dzivić. Bo ŭ toj samaj labaratoryi, ale ŭ Rastovie-na-Donie da siońnia zamarožanyja i nie pachavanyja pareštki jašče niekalkich socień rasiejskich vajskoŭcaŭ. Košt ich hienetyčnaj ekspertyzy składaje pad paŭmilona dalaraŭ. A heta ž cana niekalkich mersedesaŭ, što parkujucca la Ministestva abarony ŭ Maskvie. Adnak rasiejskija ŭłady nie padbali navat pra toje, kab choć u brackaj mahile pachavać tyja cieły, što ŭžo nie padlahajuć apaznańniu.
Nahadajem, što pavodle infarmacyi namieśnika Hieneralnaha štabu, hienerała Valeryja Maniłava, u novuju čačenskuju vajnu zahinuła 1458 rasiejskich vajskoŭcaŭ. Kamitet sałdackich maciarok nazyvaje šmatkroć bolšuju ličbu. Kolki ž ź ich užo lažać nieapaznanymi ŭ marazilnikach, nia viedaje nichto.
Što da čačencaŭ, dyk ich nichto j nia ličyć. Adnak, usiaśvietnaja arhanizacyja Human Rights Watch dniami apublikavała rapart, u jakim pryvodziacca dakumentalnyja śviedčańni 38 rasstrełaŭ ni ŭ čym nie vinavatych mirnych žycharoŭ Čačenii rasiejcami. Pieravažna heta žančyny j staryja. Što da palehłych madžachiedaŭ, dyk rasiejskija krynicy nazyvajuć ličbu 10 tysiač.
H.K.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary