Ab usim patrochu
Kitaj—Kamienny Łoh—Maskva
Na pierajeździe “Kamienny Łoh” Ašmianskaj mytni zatrymali 5-tonnuju partyju samaklejnaj plonki. Dakumenty na jaje byli padroblenyja. Pavodle papiarednich padlikaŭ, hruz kaštuje 20 młn. rubloŭ. Vieźli jaho litoŭskija pieravozčyki ŭ Maskvu… z Kitaju.
Marjan Vianhroŭski, Astraviec
IRA prabačajecca
Irlandzkaja respublikanskaja armija (IRA) paprasiła prabačeńnia ŭ achviaraŭ svajho teroru. “Choć zabojstva ci ranieńnie nievinavatych ludziej padčas baraćby nie było našaj metaj, na samaj spravie šmat kali vynik našaj dziejnaści byŭ taki”, — napisana ŭ zajavie arhanizacyi. IRA raspaŭsiudziła svoj zvarot z nahody tryccataj hadaviny kryvavaha teraktu ŭ Bełfaście, u časie jakoha zahinuła šmat vypadkovych ludziej. IRA pryniesła svajakam zabitych “ščyryja prabačeńni i spačuvańni”. Ahułam u hramadzianskaj vajnie zahinuli 3,6 tys. asobaŭ. Ź ich 640 — cyvilnyja achviary IRA.
Adzin korań
Prezydenta Słavienii Miłana Kučana ŭ Rumynii sustreli himnam Słavakii. Pamyłki takoha kštałtu dastatkova častyja. Tak, prezydent ZŠA Džordž Buš, jašče kali byŭ hubernataram Techasu, pavitaŭ premjer-ministra Słavienii Janeza Drnoŭšaka, nazvaŭšy jaho “vysokim pradstaŭnikom Słavaččyny”.
ŚNIDanosnaje vojska
Ministar abarony Paŭdniovaj Afryki Masyŭoa Lekata nazvaŭ “śmiešnym i adnačasova niebiaśpiečnym” śćvierdžańnie, niby 60% žaŭnieraŭ PAR chvoryja na ŚNID. Nasamreč nośbitami virusu źjaŭlajucca nia bolš jak 23% vajskoŭcaŭ. A takaja kolkaść, jak kaža ministar, abaronazdolnaści PAR absalutna nie pahražaje.
S.P.
Induistaŭ pryniali za “iudaistaŭ”
14 induistaŭ u subotu vyrašyli sabracca ŭ parku 50-hodździa BSSR dla medytacyi j abmierkavańnia stanovišča, u jakoje jany trapili paśla pryniaćcia zakonu “Ab svabodzie vieravyznańnia” (na ŭvieś Miensk ich nie nabirajecca 20 čałaviek, nieabchodnych dla rehistracyi hramady). Adpaviedna apranutyja i z muzyčnymi instrumentami, jany rušyli pa vulicy Matusieviča ŭ bok parku, kali darohu im pieraharadziŭ milicejski “varanok”. Ź jaho i jašče ź niekalkich mašynaŭ vybiehli milicyjanty. Induistaŭ akružyli, i pačaŭsia chapun. Induistam zajavili, što jany parušali zakon. “Tut vam nie Pieciarburh, tut bić u bubny biez dazvołu nielha”, — zajavili jany lideru supołki, pieciarburžcu. Milicyjanty pavodzili siabie hruba, niecenzurna łajalisia i drenna abychodzilisia z rytualnymi prystasavańniami induistaŭ. Zatrymali 19 čałaviek. Adnu ciažarnuju žančynu i jašče troch, jakija mieli małych dziaciej, adpuścili. Z mužčyn adpuścili tolki adnaho — Alaksieja Viatkina, bo vyjaviłasia, što jon ślapy. Astatnich pavieźli ŭ specpryjomnik-raźmierkavalnik na Akreścina.
Frunzenski sud karaŭ induistaŭ štrafami na 200 tysiač rubloŭ. U pratakoły milicyjanty pisali nie “induisckaja relihija”, a “iudaisckaja”. Kali achoŭnikaŭ zakonu papraŭlali, jany vielmi dzivilisia.
Pavał Burdyka
Patryjarch raskopak
Štychavu — 75
14 lipienia spoŭniłasia 75 hadoŭ Hieorhiju Štychavu — doktaru histaryčnych navuk, prafesaru-archieolahu. Amal 20 hadoŭ jon uznačalvaŭ adździeł archiealohii j historyi Połackaj ziamli Instytutu historyi, vyvučaŭ staražytnyja kryvickija pasieliščy Połaččyny, Viciebščyny, haradziščy na Miency, u Zasłaŭi, Łukamli, Łahojsku… H.Štychaŭ — aŭtar encyklapedyčnych vydańniaŭ, školnych padručnikaŭ. Biełaruskija archieolahi vinšujuć jubilara, zyčać jamu mocnaha zdaroŭja i dalejšaje plonnaje pracy na archiealahičnaj nivie Baćkaŭščyny.
Lavon Kaladzinski
Redakcyja dałučajecca da vinšavańniaŭ
Kamientary