Siońnia ŭstupaje ŭ siłu rašeńnie Savietu ministraŭ EZ pra vyklučeńnie Biełarusi z Hieneralnaj systemy preferencyj.
21 červienia ŭstupaje ŭ siłu rašeńnie Savieta ministraŭ Jeŭrasajuza ab vyklučeńni Biełarusi z Hienieralnaj sistemy prefierencyj (HSP).
Hienieralnaja sistema prefierencyj — heta šerah mytnych ilhotaŭ, jakija pradastaŭlajucca krainam, što stali na šlach raźvićcia, z boku raźvitych krain. Pad krainami, što stali na šlach raźvićcia, u dadzienym vypadku razumiejucca 77 krain pavodle kłasifikacyi AAN, dziaržavy byłoha SSSR, krainy byłoha sacyjalistyčnaha łahiera, jakija pakul nie ŭstupili ŭ ES, i Kitaj. Handlovymi prefierencyjami karystajucca dziaržavy, dzie vykonvajucca pravy čałavieka, u tym liku pravy prafsajuzaŭ.
Rašeńnie ab vyklučeńni Biełarusi z HSP było pryniata 20 śniežnia 2006 hoda z adterminoŭkaj ustupleńnia ŭ siłu na paŭhoda. Hety termin davaŭsia ŭradu Biełarusi dla vykanańnia rekamiendacyj Mižnarodnaj arhanizacyi pracy (MAP) pa likvidacyi parušeńniaŭ pravoŭ prafsajuzaŭ. U vypadku likvidacyi hetych parušeńniaŭ rašeńnie ES mahło być admieniena.
Pa vynikach Mižnarodnaj kanfierencyi pracy, što prachodziła ŭ Ženievie z 30 maja pa 15 červienia, Biełaruś u piaty raz była ŭniesiena ŭ śpiecparahraf dakłada MAP. Kamitet pa normach i standartach MAP kanstatavaŭ «adsutnaść prahresu ŭ halinie pravoŭ na svabodu asacyjacyj u Biełarusi». Kamitet vykazaŭ zaniepakojenaść z nahody padrychtavanaha biełaruskim uradam zakonaprajekta ab prafsajuzach i rekamiendavaŭ pryvieści artykuły dakumienta ŭ adpaviednaść z kanviencyjami i rekamiendacyjami MAP.
Kali Biełaruś vykanaje svaje abaviazacielstvy jak člen MAP i situacyja z pravami prafsajuzaŭ palepšycca, pytańnie ab viartańni handlovych prefierencyj moža być vyrašana na praciahu niekalkich tydniaŭ, zajavili BiełaPAN u Jeŭrakamisii. Saviet ES moža pierahledzieć rašeńnie na asnovie rekamiendacyi Jeŭrakamisii.
Pracedura prypynieńnia handlovych prefierencyj dla Biełarusi była inicyjavana Savietam ES u žniŭni 2005 hoda ŭ suviazi ź infarmacyjaj ab nievykanańni ŭ krainie pravoŭ prafsajuzaŭ. Z prapanovaj uvieści ekanamičnyja sankcyi ŭ dačynieńni da Biełarusi ŭ Jeŭrasajuz nieadnarazova źviartalisia mižnarodnyja prafsajuznyja arhanizacyi. Rasśledavańniem faktaŭ parušeńnia pravoŭ prafsajuzaŭ u Biełarusi zajmalisia kamisii, śpiecyjalna stvoranyja ŭ miežach MAP i ES. Abiedźvie kamisii paćvierdzili infarmacyju ab parušeńniach. Pa vynikach rasśledavańnia kamisija MAP raspracavała 12 rekamiendacyj biełaruskamu ŭradu dla palapšeńnia situacyi.
Raniej handlovyja prefierencyi Jeŭrasajuz admianiaŭ tolki dla Birmy.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary