28 LUTAHA
Novaje haradzienskaje piva
Na Haradzienskim brovary pačali varyć novaje śvietłaje piva «Załatoje ziarniatka». Jano maje charakterny pach i ŭtrymlivaje 4,5% alkaholu.
Kandydaty ŭ abaronu hazety
Čatyry kandydaty ŭ deputaty Smurhonskaha rajsavietu (V.Baturyn, A.Macijaka, I.Vieštart, N.Kałbyka) źviarnulisia da staršyni rajvykankamu Stanisłava Jurhiela z zvarotam u abaronu «Novoj haziety Smorhoni», jakoj pahražaje zakryćcio.
Rynak pabudujuć pradprymalniki
Haradzienski rynak «Paŭdniovy» u 2003 h. budzie pieraviezieny pad dach. Metaličnyja boksy paŭstanuć «za košt pryciahnieńnia srodkaŭ pradprymalnikaŭ».
Andrej Mialeška, Horadnia
Dzieviaciklaśnik padaŭsia ŭ rabaŭniki
Na ŭskrajku Miadziełu ŭviečary na kabietu napaŭ čałaviek u mascy. Pahražajučy šyłam, jon patrabavaŭ hrošy. Ale razžycca nie ŭdałosia: rabaŭnika spudzili minaki i jon źbieh. Kabieta adrazu patelefanavała ŭ milicyju. Pa apisańni niaŭdačlivaha rabaŭnika chutka zatrymali na vulicy. Dziŭna, što im akazaŭsia dzieviaciklaśnik.
Aleś Vysocki, Miadzieł
Dakaljaniŭsia
Da troch hadoŭ pazbaŭleńnia voli zasudžany kantraktnik z Žodzina za zachoŭvańnie j užyvańnie marychuany ŭ kazarmie adnoj z vajskovych čaściej Barysava. Siaržant nabyvaŭ cyharety z marychuanaj na barysaŭskim rynku i kuryŭ z dapamohaj samarobnaha kaljanu. Paśla bajcu nadakučyła «łavić kajf» u adzinocie i jon zaprasiŭ svajho sasłužboŭca, paśla — druhoha, pryčym za vyznačanuju płatu. Siaržant tłumačyŭ svoj učynak tym, što niadaŭna kinuŭ pić, a tre byli novyja vostryja adčuvańni.
Źmicier Pankaviec, Kastryca
Sudmedekspert-chabarnik
Za sprobu vymahalnictva z vykarystańniem słužbovaha stanovišča zatrymany zahadčyk adździaleńnia Aršanskaj mižrajonnaj sudmedekspertyzy. Na jaho skardziŭsia žychar vioski Vysokaje Aršanskaha rajonu. Sudmedekspert patrabavaŭ ad jaho 200 dalaraŭ za zaklučeńnie ab pryčynach śmierci maci. Jana pamirała ŭ syna na vačoch, i toj jaje ratavaŭ jak moh. Syn spužaŭsia, što, mahčyma, jon hetym bolš naškodziŭ, čym sadziejničaŭ vyratavańniu. Ekspert vykarystaŭ hetyja sumnievy. Razhubleny mužčyna navat byŭ hatovy dać chabar, ale suma ŭ 200 dalaraŭ była dla jaho niepasilnaj. Tamu čałaviek i pajšoŭ da pravaachoŭnikaŭ.
Małyja kraduć u starych
U milicyju Voršy źviarnuŭsia pensijaner, u jakoha zładziei skrali z pavieci kalasku z dvuma miachami bulby. Jak vyśvietliłasia, kradziež ździejśnili navučeniec PTV i vučań 6 klasy. Suprać małaletnich zładziejaŭ uzbudžana kryminalnaja sprava. Amal u toj ža čas paciarpieła i adna pensijanerka. U jaje skrali z sklepu charčoŭ na 24 tys. rubloŭ. U złačynstvie padazrajecca vučań 7 klasy, jaki, daviedaŭšysia ab tym, što jaho šukaje milicyja, niekudy źnik.
Viktar Lutynski, Vorša
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary