U chutkim časie paśla taho, jak u Ńju-Jorku źjaviłasia novaja turystyčnaja admietnaść — punkt «Zera», amerykancy zasnavali fond dla stvareńnia kulturnych artefaktaŭ, pryśviečanych 11 vieraśnia. Adnym ź pieršych zajaŭku na «finance asistance» prynios brytanski režyser Kieni Łoač.
Kieni Łoač — viadomy ŭ kinematahrafičnych kołach kadzier. Dastatkova pryhadać jaho stužku «Ziamla i Svaboda» — «Załataja Halina» Kanaŭ'98. Zvyčajna Łoač zdymaje biazvolnych achviaraŭ kapitalizmu — biespracoŭnych čyhunačnikaŭ i tarčkoŭ. Abo, naadvarot, mužnych baraćbitoŭ z tym samym kapitalizmam — trackistaŭ i sandynistaŭ. Narešcie jon vyśpieŭ dla taho, kak zrabić niešta patryjatyčnaje pra 11 vieraśnia.
Na atrymany ad janki hrant Łoač źniaŭ film pra padziei 11 vieraśnia 1973 h. u Čyli — pieravarot, arhanizavany pry ŭdziele administracyi Niksana.
Anhielski kinošnik nie aferyst. Biez Santjaha 73-ha nie było b Ńju-Jorku 2001-ha. U Čyli amerykancy pachavali sacyjał-liberalny prajekt, jaki ŭ perspektyvie moh stať madellu dla zaležnych krainaŭ kapitalistyčnaj peryferyi. Mason Aljende — koraš Ułafa Palme i Fransua Miterana — pra dyktaturu praletaryjatu, novuju seksualnuju maral, zabaronu buržuaznych klasykaŭ navat nia maryŭ. Ab jakoj «dyktatury praletaryjatu» moža iści mova, kali chaŭruśnikam maješ kampartyju. A taja kirujecca raspracoŭkami brežnieŭskich ideolahaŭ ab «mirnym suisnavańni dźviuch systemaŭ».
Čylijski soup d'Etat daŭ šturšok antyamerykanskamu palityčnamu ekstremizmu ŭ Trecim Śviecie. Neafitam jaho ŭ chutkim časie staŭ seksualna zakłapočany student londanskaha inžynerna-budaŭničaha — Usama ben Ładen.
Lusterkavym adbitkam taje antyamerykanskaści staŭ rynkavy ekstremizm, jaki akupavaŭ biełaruskuju dumku pačatku 90-ch. Našy demakraty čamuści ličyli Pinačeta idealnym palitykam usich časoŭ i narodaŭ, bo «jon źniščyŭ kamuniak i zapuściŭ rynkavyja reformy». Ale dziakujučy baćku, jaki namahajecca spałučyć rynak i dyktaturu, imidž Pinačeta kančatkova pažuch. Rynak pierastaŭ być synonimam «svabody» i «demakratyi».
Levy dyskurs praciahvaje rekankistu — advajoŭvaje biełaruskuju intelektualnuju prastoru, ź jakoj jaho paprasili ŭ 90-ja. Siońnia ŭ pravych zastałasia tolki adna «sakralnaja karova» — žaleznaja łedzi Marharet Tetčer. Naleta prahresiŭny śviet budzie śviatkavać hadavinu šachciorskaha strajku i katavańnia irlandzkich respublikancaŭ. Pahladzim, što napiša Sieviaryniec.
Lolik Uškin
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było12
Kamientary