Što datyčyć šenhienskich vizaŭ, dyplamat nahadaŭ, što biełaruskija vizy kaštujuć našmat daražej i što, u adroźjenńnie ad rasiejskich i ŭkrainskich, biełaruskija ŭłady blakujuć praces źnižeńnia cenaŭ na vizy.
«Šmatlikija vypadki palityčnych represij prymušajuć sumniavacca ŭ hatoŭnaści Biełarusi da demakratyčnych pieraŭtvareńniaŭ» — takoje mierkavańnie vykazaŭ u intervju BiełaPAN 26 červienia nadzvyčajny i paŭnamocny pasoł Hiermanii ŭ Minsku Marcin Chiekier.
«Jeŭrasajuz nieadnarazova zajaŭlaŭ uradu Biełarusi ab tym, što adnoj ź pieradumoŭ dla karennaha palapšeńnia adnosinaŭ pavinna być vyzvaleńnie ŭsich palityčnych źniavolenych», — skazaŭ dypłamat. M.Chiekier zaznačyŭ, što z momantu pradstaŭleńnia dakumienta «Što Jeŭrapiejski sajuz moža dać Biełarusi» ŭ listapadzie 2006 hoda «byli sapraŭdy zrobleny aściarožnyja kroki da ŭzajemnaha zbližeńnia, ale dynamika adsutničaje».
«My stanoŭča ŭspryniali vyzvaleńnie palityčnych źniavolenych Mikałaja Statkieviča i Paŭła Sieviarynca, adnak pa‑raniejšamu nie vyzvaleny inšyja palitźniavolenyja», — skazaŭ M.Chiekier. Pry hetym dypłamat nazvaŭ «stanoŭčymi krokami» zhodu biełaruskaha boku na adkryćcio pradstaŭnictva Jeŭrakamisii, daterminovaje vyzvaleńnie niekatorych palitźniavolenych, padaŭžeńnie dahavora arendy dla Biełaruskaha Chielsinkskaha kamiteta, a taksama dadzienuju pasłu mahčymaść jak pradstaŭniku dziaržavy — staršyni ES naviedać Alaksandra Kazulina.
«My sprabavali paŭpłyvać na biełaruski bok, kab jon pryniaŭ nieabchodnyja miery dla vykanańnia pravoŭ niezaležnych prafsajuzaŭ, — zaznačyŭ M.Chiekier. — My spasłalisia na toje, što tolki pry kanstatacyi hetaha fakta Mižnarodnaj arhanizacyjaj pracy Biełaruś zmoža zachavać handlovyja prefierencyi i paśla červienia 2007 hoda».
«Ja spadziajusia, što biełaruskim hramadzianam nie daviadziecca płacić za šenhienskuju vizu bolš, čym hramadzianam Rasii», — skazaŭ u intervju BiełaPAN nadzvyčajny i paŭnamocny pasoł Hiermanii ŭ Biełarusi Marcin Chiekier.
Dypłamat nahadaŭ, što Jeŭrasajuz padpisaŭ z Rasijaj pahadnieńnie ab sproščanaj pracedury vydačy viz. Zhodna z hetym dakumientam, rasijskija hramadzianie buduć płacić za šenhienskija vizy 35 jeŭra. Anałahičnaje pahadnieńnie padpisana taksama z Ukrainaj.
«Pahadnieńnie ab sproščanaj pracedury vydačy viz ES hatovy padpisać i ź Biełaruśsiu pry najaŭnaść peŭnych pieradumoŭ, — skazaŭ M.Chiekier. — Ale takoha kštałtu supracoŭnictva praduhledžvaje vykazvańnie ŭradam Biełarusi prychilnaści da demakratyčnych kaštoŭnaściej, pavahi pravoŭ čałavieka i viaršenstva zakona i hatoŭnaści da praviadzieńnia demakratyčnych reform». Dypłamat padkreśliŭ, što Jeŭrasajuz «jasna zajaviŭ» ab svaim imknieńni da supracoŭnictva ź Biełaruśsiu, jakoje dazvolić u tym liku źnizić košt vizavych zboraŭ.
Pry hetym M.Chiekier asabliva zaznačyŭ, što košt biełaruskaj vizy značna vyšejšy za košt šenhienskaj, jakaja dazvalaje ažyćciaŭlać pajezdki ŭ 17 krain. «Karotkaterminovaja šmatrazovaja viza kaštuje ŭ pasolstvie Biełarusi ŭ Bierlinie 165 jeŭra, a za ekspres‑vizu treba zapłacić 315 jeŭra. Tranzitnaja viza dla pajezdki ŭ Maskvu i nazad kaštuje 105 jeŭra, — zaŭvažyŭ M.Chiekier. — Ale ź biełaruskaj vizaj voś užo niekalki hadoŭ nielha pryjechać navat u sajuznuju dziaržavu Rasiju».
Kamientary