BSSR uvasablaje žyćcio biez adkaznaści za ŭłasnuju krainu.
Heta sposab dobra žyć, paźbiahajučy ciažkich rašeńniaŭ i adkaznaści.
Dla biełarusaŭ, jakija bačyli jaje na svaje vočy, jana vyhladaje punktam apory, vakoł jakoha pierakuliŭsia śviet. Bo śviet vidavočna pierakuliŭsia — a BSSR «zastałasia jak była». Amal kožny paŭnaletni žychar Biełarusi moh by napisać pra jaje ŭspaminy. Ale čas dla ŭspaminaŭ pakul nie pryjšoŭ. Spachopimsia my chiba tady, kali budzie abjaŭleny plebiscyt pra ŭstupleńnie ŭ Eŭraźviaz. A jak ža naša respublika? Niamašaka.
BSSR zastajecca istotnym składnikam najbolš pašyranaj systemy hramadzkich kaardynat, słužyć publicystam i analitykam krynicaju natchnieńnia — što z admoŭnym, što z dadatnym znakam, a pierš za ŭsio zastajecca punktam adliku — emacyjnaha, analityčnaha, spekulatyŭna-vizijanerskaha. BSSR — heta paradyhma.
Chaj sabie jana naminalna spyniła isnavańnie, ale niaźličanaja płojma adkaznych ludziej dahetul niastomna nahadvaje, što naša respublika nikudy nia źnikła, a tolki krychu schavałasia.
Važkaść BSSRaŭskaje spadčyny vyznačaje sumny fakt, što biełaruskaja dumka słaba padrychtavałasia da źniknieńnia savieckaha ładu i dahetul nia vykanała zadačy stvareńnia alternatyŭnaj madeli raźvićcia krainy. «Asablivaściu biełaruskaha palityčnaha žyćcia źjaŭlajecca zabarona na alternatyvu palityčnaj štodzionnaści», — čytajem u apošnim numary «Arche» (Neli Biekus, «Biełaruś, ujaŭlenaja inakš»). Padajecca, što padsumavańnie prydatnaje dla ŭsiaho paślakastryčnickaha peryjadu biełaruskaj historyi.
Ci možna vyklučyć z hetaha peryjadu postsavieckija hady? Materyjały «Arche» nahadvajuć: pieraadoleńnie savieckich stereatypaŭ zapoźnienaje i doŭhaje. Paśla taho jak pamianialisia palityčnyja, ekanamičnyja i sacyjalnyja realii, adbyŭsia stratehičny adychod na apošni rubiež abarony, u mazhi nasielnictva. Sprobam padparadkavać nastalhičnyja stereatypy patrebam biahučaj palityki ŭładaŭ pryśviačajucca artykuły Vitala Silickaha i Juryja Čavusava.
Poŭnaściu hety artykuł možna pračytać u papiarovaj i pdf-versii "Našaj Nivy"
Daniła Žukoŭski
Ciapier čytajuć
Maryna Adamovič apublikavała novyja FOTY Mikoły Statkieviča2
Kamientary