Papularnaść Alimpijskich hulniaŭ u ZŠA možna paraŭnać z «aranžavym» uzroŭniem biaśpieki, uviedzienym Biełym domam u Ńju-Jorku ŭ adkaz na pahrozy teraktaŭ «Al-Kaidy».
Adznačanyja ŭ planach bajevikoŭ finansavyja budynki ŭ Ńju-Jorku ciaham 24 hadzin achoŭvajucca ŭzbrojenymi da zuboŭ vartaŭnikami. Hruzaviki na ŭjeździe ŭ horad prachodziać abaviazkovy palicejski kantrol, značna zamarudžvajučy trafik. Maksymalna žorstki charaktar nabyła pravierka ludziej pry ŭvachodzie na ŭsie biez vyklučeńnia masavyja mierapryjemstvy. Heta toje, što pieraškadžaje amerykancam štodnia. Na niebiaśpieku teraktaŭ bolšaść nie zvažaje. Žyćcio biažyć svaim chodam.
Hetaksama i Alimpijada. Spabornictvy pakazvajuć čatyry telekanały. U centralnych hazetach — usie vyniki i padrabiaznaje apisańnie padziej. Ale navat samaja vidoviščnaja častka Hulniaŭ — cyrymonija adkryćcia — zastałasia ŭ cieni šokavaha pryznańnia hubernatara-hieja Ńju-Džerzi Džejmsa Makhryvi i strašennych nastupstvaŭ urahanu Čarli ŭ Fłorydzie.
«Dziakuj niabiosam, što nie adbyłosia nijakich niepradbačanych incydentaŭ. Dziakuj niabiosam, što ŭsio prajšło hładka. I dziakuj niabiosam, što ŭsio heta skončyłasia», — tak «The Washington Post» nie pakinuła kamienia na kamieni ad arhanizataraŭ i hałoŭnaha pravaŭładańnika tranślacyi trochhadzinnaha šoŭ u ZŠA telekanału NBC, abvinavaciŭšy ich u zvyškamercyjnaści.
Poŭnaściu hety artykuł možna pračytać u papiarovaj i pdf-versii "Našaj Nivy"
Kastuś Łaškievič, Ńju-Jork
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka30
Kamientary