Jaho brutalna zatrymali, kali jon namahaŭsia trapić na plac. Jon byŭ razam sa svaimi siabrami i razmaŭlaŭ ź imi pa-biełarusku. Pavodle jaho, heta i pryciahnuła ŭvahu bajcoŭ specnazu milicyi. Andrej Dyńko aburaŭsia, što specnazaŭcy vielmi źniavažliva vykazvalisia ab biełaruskaj movie.
Sud Frunzienskaha rajonu asudziŭ da 15 sutak aryštu hramadzianina Ŭkrainy Andreja Lubku, jaki źjaŭlajecca žurnalistam hazety “Karpacki hołas”. Jon raskazaŭ u sudzie i konsułu ab tym, što ŭ aŭtobusie bajcy specnazu milicyi plavali jamu ŭ tvar i pry hetym abražali prezydenta Ŭkrainy.
Ukrainski žurnalist ličyć, što jany znachodziacca pad upłyvam biełaruskaha telebačańnia – srodku dziaržaŭnaj prapahandy, skiravanaj, pavodle jaho słovaŭ, na raspalvańnie nacyjanalnaj nieciarpimaści.
U sudzie Savieckaha rajonu sudziać 9 čałaviek, jakich zatrymali ŭčora ranicaj u rajonie Kastryčnickaha placu. Častku zatrymali, kali tyja sychodzili ŭnačy z płoščy, a inšych, kali jany namahalisia trapić na płošču.
Kanstancin Arciomienka z Homiela ŭžo aryštavany na 20 sutak.
Siarod zatrymanych – redaktar “Našaj Nivy” Andrej Dyńko. Jon paśpieŭ skazać Radyjo Svaboda, što jaho brutalna zatrymali, kali jon namahaŭsia trapić na plac. Jon byŭ razam sa svaimi siabrami i razmaŭlaŭ ź imi pa-biełarusku. Pavodle jaho, heta i pryciahnuła ŭvahu bajcoŭ specnazu milicyi. Andrej Dyńko aburaŭsia, što specnazaŭcy vielmi źniavažliva vykazvalisia ab biełaruskaj movie.
Kali milicyjanty daviedalisia, što Dyńko žurnalist, jany pačali raicca sa svaim kiraŭnictvam, i toje zahadała aformić jaho za drobnaje chulihanstva.
Andrej Dyńko paviedamiŭ, što ŭ kamerach turmy na Akreścina ŭžo nie chapaje miesca na ŭsich zatrymanych. Viaźni siadzieli, ciesna prytuliŭšysia adzin da adnaho ŭ chałodnaj kamery, dzie adklučyli aciapleńnie. U susiedniaj kamery siadzieli piaciora dziaŭčat. Jany prasili ŭ supracoŭnikaŭ specpryjomniku tualetnaj papiery abo chacia b hazety, ale im admovili. Spadar Dyńko paskardziŭsia, što vielmi hučna pracavaŭ pryjmač radyjokropki, i kali mužčyny zdoleli jaho vyklučyć, vyrvaŭšy razetku, to dziaŭčaty vielmi pakutavali, ale na ich prośby dapamahčy vyklučyć radyjo, supracoŭniki ustanovy cynična adkazali, što jany nia viedajuć, jak heta zrabić.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary