Siońniašnaja pieradvybarčaja kampanija dabaviła ŭ leksyčny bahaž biełaruskich palityčnych pijarščykaŭ słova «teraryzm».
«Teraryst!» — «Sam ty teraryst!» — novaja formuła palityčnaj palemiki.
Prychodžu da vysnovy, što niespakojnaja duša viskonsynskaha senatara Makarty, jaki padazravaŭ, što Merylin Manro — zahadčyca adździełu pa rabocie z nehrami ŭ halivudzkim rajkamie KPSS, znajšła sabie abałonku. Zdajecca, jaje prytuliła cieła Azaronka, jaki ŭžo davioŭ, što tekst biełavieskaj damovy Šuškievič radžaŭ pad dyktoŭku ben Ładena, a ŭ Antončyka na padakońniku staić kaktus. Dla ahientaŭ «Al-Kaidy», jakija vykarystoŭvajuć Antončykaŭ fłet dla adpačynku paśla Besłanu, raślina — znak, što jaŭka nie pravalena.
Apazycyja taksama nia śpić u šapku. Stykieram «Suprać łukašyzmu — suprać teraryzmu» nieviadomy zubr pamieciŭ słup kala Pałacu mastactva. Sajt «Chartyi-97» staŭ doŭha hruzicca praz baner z tym samym słohanam.
Dziŭnaja reč adbyłasia sa słovam «teraryzm». Jak piša Safi Vaniš, terarystami ŭpieršyniu nazyvała siabie hrupa deputataŭ-jakabincaŭ — Sent-Žust, Rabespjer, Danton. Hetym jakabincam my siarod inšaha abaviazany «Deklaracyjaj pravoŭ čałavieka i hramadzianina» — prababkaj usich kanstytucyj, u tym liku i erbešnaj. Atrymlivajecca, što PPRB — harant spravy terarystaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Lolik Uškin
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma2
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary