Minuły ŭik-end vydaŭsia nasyčanym na muzyčnyja padziei: Vajciuškievič ihraŭ najlepšyja pieśni, «Nejra Dziubel» prezentavaŭ novuju prahramu, «Indyha» ŭpieršyniu hrała ŭ akustyku, «J-Mors» dali sumiesny kancert ź jekacierynburžcami sa «Smysłovych hallucinacij».
Kancert «WZ-orkiestra» ŭ čaćvier akazaŭsia pad pahrozaj zryvu, bo dyrekcyja Pałacu veteranaŭ, dzie jon musiŭ prajści, admianiła imprezu za niekalki hadzin da pačatku. «Arhanizatary nie zapłacili nam za arendu zali, — rastłumačyŭ «NN» dyrektar Pałacu veteranaŭ Jaŭhien Barsukoŭ. — Tolki nie šukajcie tut nijakaj palityki». Ale Vajciuškievič zajhraŭ usio ž taki ŭ hety ž dzień, tolki ŭ inšym miescy — u Dolnaj zali Čyrvonaha kaściołu. U listapadzie Todar paabiacaŭ vialiki kancert-prezentacyju prahramy na vieršy Ryhora Baradulina.
Na nastupny dzień u Miensku byli «Tanki». Fany narešcie dačakalisia biełaruskamoŭnaj prahramy Kulinkoviča. Paśla jaje vykanańnia z «Nejra Dziubelu» cetlik «panki» musić być źniaty kančatkova. U «Tankach» znajšłosia miesca i roku, i rehi («Mnie nie chapaje u.ie.», praśpiavanaj z Hiuneš Abasavaj), i lirycy.
Svoj adziny baladny tvor «Žyćcio» Kulinkovič pryśviaciŭ pamiaci zabitaj žurnalistki Vieraniki Čarkasavaj. Cikava, što hetaja pieśnia, pavodle słoŭ Kulinkoviča, jość śviedčańniem taho, što jon sam žyvy. 28 kastryčnika budzie roŭna 10 hod z taho času, jak jamu zrabili ciažkuju aperacyju na mozhu.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Budkin
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary