5 studzienia ŭ Homieli padčas raspaŭsiudu hazety «Vriemia» zatrymany aktyvist AHP Artur Curbakoŭ.
U Viciebsku 17 studzienia za raspaŭsiud hazety «Vriemia» była zatrymanaja staršynia haradzkoj filii AHP Alena Zaleskaja. Milicyjanty znajšli ŭ jaje sumačcy taksama ŭlotki z apoviedam pra falsyfikacyi ŭ časie vybaraŭ i referendumu, zapisaŭšy, što jana raspaŭsiudžvała ŭlotki antydziaržaŭnaha źmiestu.
Aktyvisty niezarehistravanaj arhanizacyi «Zubr» Maksim Dvarecki, Mikałaj Iljin, Pavał Vuhrynovič zatrymanyja 19 studzienia ŭ Mahiloŭskim mašynabudaŭničym technikumie padčas raspaŭsiudu hazety «Vybar».
Staršynia BSDP (NH), dacent Bieraściejskaha dziaržaŭnaha ŭniversytetu Anatol Laŭkovič 19 studzienia atrymaŭ vymovu ad rektara VNU za toje, što «nie zrabiŭ nijakich vysnovaŭ ź minułahodniaje atestacyi».
Śledčy pa asabliva važnych spravach Mienskaj haradzkoj prakuratury Siarhiej Kucharonak 20 studzienia dapytaŭ staršyniu abłasnoj supołki AHP Marynu Bahdanovič jak śviedku pa kryminalnaj spravie z nahody pres-kanferencyi na ofisie AHP 14 kastryčnika, dzie pradstaŭniki apazycyi źvinavacili ŭłady ŭ padrychtoŭcy masavych falsyfikacyj.
Siabry BCHK Vasil Bieraśnieŭ i Siarhiej Trafimaŭ 21 studzienia padali ŭ sud, kab spahnać 5 młn rub. kampensacyi z byłoha staršyni Aršanskaj akruhovaj vybarčaj kamisii Aleha Kazłova za maralnuju škodu, paniesienuju padčas minułych parlamenckich vybaraŭ. Jak žurnalisty jany prysutničali padčas padliku hałasoŭ, adnak milicyjanty na zahad staršyni zmusili ich pakinuć pamiaškańnie. Aršanskaja prakuratura pavodle skarhi Bieraśnieva ŭžo vyniesła Kazłovu papiaredžańnie.
U Homieli 23 studzienia padčas razdačy ŭlotak z nahody inaŭhuracyi prezydenta Ŭkrainy zatrymanyja siabry supołki «Limon» Arciom Buryła, Siarhiej Vosipaŭ, Jury Łapicki, Kanstancin Leŭšunoŭ, Volha Syćko.
Zasnavalniku «Novoj haziety Smorhoni» Ramualdu Ŭłanu staršynia Smarhonskaha rajvykankamu Miečysłaŭ Hoj 25 studzienia admoviŭ uzhadnić raźmiaščeńnie vydańnia.
AŠ
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści39
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary