Adnym z hałoŭnych faktaraŭ pośpiechu apošnich aksamitavych revalucyj (u Hruzii i Ŭkrainie) staŭ mocny brend. U asnovu byŭ pakładzieny vobraz raśliny. Dla Ševardnadze samaja nienavisnaja siońnia pieśnia — «Miljon punsovych ruž». Na Majdanie, kali, skandujučy «Kučmu hieť!», vy raptam sarvali hołas, dastatkova było ŭziać u ruki apelsin, kab vykazać svaju dumku.
Biełaruskaj apazycyi varta było b aperatyŭna zaniacca pošukami svajho analahu hruzinskaj ružy i ŭkrainskaha apelsinu.
Z čutak, jakija dachodziać ź nietraŭ palitkuchni, možna zrazumieć, što ŭ finał kastynhu na raślinu-2006 vyjšli dźvie kultury-kandydatury — bulba i vasilok.
Davajcie razhledzim kankursantaŭ detalova, vyznačyŭšy pazytyŭnyja i nehatyŭnyja vyniki ich abrańnia ŭ jakaści brendu.
Bulba
Plus: raślina, bieź jakoj ciažka ŭjavić ekzystencyju biełarusaŭ. Ruch bulbašoŭ (tak aŭtamatyčna budzie nazyvacca apazycyjny blok) dziakujučy naźvie zachaplaje kožnaha žychara Biełarusi.
Minus: aharodnina zadaje nia tolki nazvu revalucyi (u našym vypadku bulbianoj), ale i vyznačaje farby kampanii. Pakolki koler u bulby zvyčajna karyčnievy, bajcy «bulbianoj revalucyi» majuć vykarystoŭvać symboliku z karyčnievaj afarboŭkaj. I vožyku zrazumieła, jakoj budzie reakcyja na pieršy pikiet «karyčnievych». Vykličuć Azaronka i daručać jamu zabadziažyć novuju «kanśpiralohiju» ab histaryčnaj suviazi pamiž «karyčnievymi» apazycyjanerami i karyčnievymi «šturmavikami» Rema.
Vasilok
Plus: nieŭmiručy tvor Bahdanoviča zabiaśpiečyŭ «ćviatku radzimy» stabilna pazytyŭny imidž u narodnaj śviadomaści. Ź nievialikaj karekturaj radki možna vykarystać dla palitprapahandy: «I hołas addaje ruka. Za adzinaha ad «Bloku vasilka»!»
Poŭny varyjant čytajcie ŭ papiarovaj i pdf-versii hazety "Naša Niva"
Kamientary