Jak udzielnik schodu kandydataŭ u deputaty na parlamenckich vybarach u Čarnihavie 20 lutaha liču za nieabchodnaje prakamentavać vodhuk «NN» («Biełaruski Čarnihaŭ», 25.02.2005).
Aŭtar vodhuku sp.Žołudaŭ čamuści vyrašyŭ nie zaŭvažyć važnaj, na naš pohlad, prapanovy Rady biełaruskaj intelihiencyi. Jana abmiarkoŭvałasia ŭ emacyjnaj dyskusii i, choć suprać jaje vystupili niekatoryja viadomyja i ŭpłyvovyja asoby, była pryniataja absalutnaj bolšaściu ŭdzielnikaŭ (tolki troje suprać). Heta prapanova ab stvareńni kaardynacyjnaha centru eks-kandydataŭ u deputaty na parlamenckich vybarach.
Stvoranaja mižpartyjnaja struktura abjadnaje tych, chto dakazaŭ svaju zdolnaść da realnaj spravy, maje za saboj «razahretyja» padčas vybarčaj kampanii akruhi, u jakich dobra viedajuć svaich kandydataŭ, vierać im i addali hałasy za ich. Takim čynam uźnikaje mahčymaść systemna, zbalansavana i metanakiravana pravodzić pracu va ŭsich akruhach, na ŭsioj terytoryi krainy, a heta vielmi važny krok u kansalidacyi demakratyčnaj hramadzkaści ŭ perspektyvie prezydenckich vybaraŭ.
Miarkuju, što čytačam «NN» varta viedać pra heta rašeńnie čarnihaŭskaha schodu.
Što da zaŭvahi sp.Žołudava nakont «suchaści» pramovy staršyni Rady intelihiencyi sp. Kołasa, jaki vystupiŭ z prapanovaj ab stvareńni nazvanaha kaardynacyjnaha centru, jana była davoli emacyjnaj. Karespandentam, jakija aśviatlajuć takija mierapryjemstvy, usio-taki varta źviartać uvahu nia tolki na emacyjnaść ci suchaść pramoŭ, ale ŭ pieršuju čarhu na ich źmiest.
Źmicier Sidarovič
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby4
Kamientary