Z usioj krainy

Telefanujcie ŭ Voršu pa-novamu

5 krasavika Aršanski rajonny vuzieł elektryčnaj suviazi piarojdzie na šaściznačnuju numaracyju, što abumoŭlena nieabchodnaściu rearhanizacyi telefonnaj sietki horadu i rajonu. Na pačatku hodu ŭ Voršy praviedziena zamiena ŭstarełaj ATS-2 na novuju elektronna-ličbavuju. Pamianialisia telefony ŭ dziesiaci tysiač abanentaŭ (usie, što pačynalisia z dvojki). Piaciznačnaja numaracyja vyčarpała siabie. Na ŭzor Viciebsku, Połacku i Navapołacku Vorša budzie mieć šaściznačnuju numaracyju. Anulujecca i stary mižharodni kod horadu — 02161. Ciapier treba budzie nabirać 0216, a zatym novy šaściznačny numar, jaki budzie ź ličby 2. Jak zapeŭnivajuć suviazisty, paśla rearhanizacyi suviaź značna palepšycca. Pakul ža abanenty majuć adny kłopaty. Adrazu ŭstareli i dva vydadzienyja letaś telefonnyja daviedniki. Adzin ź ich navat nie raspradadzieny.

Žnivo ŚNIDu

U Voršy zarehistravany pieršy vypadak naradžeńnia dziciaci ad VIČ-infikavanaj maci. Ciapier niemaŭla znachodzicca pad nahladam daktaroŭ, i tolki praź niekalki miesiacaŭ možna dakładna vyznačyć, jak adbiłasia chvaroba maci na jahonym zdaroŭi. Darečy, u Viciebskaj vobłaści naradziłasia ŭžo bolš za 20 dzietak ad VIČ-infikavanych maciarok.

Apošniaj terminalnaj stadyjaj VIČ-infekcyi źjaŭlajecca ŚNID. Zychod hetaj chvaroby zaŭsiody trahičny. U Biełarusi na siońnia aficyjna zarehistravanyja 543 śmiarotnyja vypadki siarod VIČ-infikavanych, ź jakich 77% składajuć narkamany.

Jaŭhien Žarnasiek, Vorša

Najbolš suchotnikaŭ — na pamiežžy z Rasiejaj

U Homieli prajšło pasiadžeńnie kruhłaha stała pa pytańniach prafilaktyki suchotaŭ. Namieśnik načalnika ŭpraŭleńnia achovy zdaroŭja abłvykankamu Michaił Prystupin kanstatavaŭ, što najbolej chvorych na suchoty —

na biełaruska-rasiejskaj miažy — ŭ Čačerskim, Dobruskim, Vietkaŭskim, Buda-Kašaleŭskim rajonach. Tut zafiksavana 909 chvorych, ci 60,6 čałavieka na 100 tys. (U 2003 h. było 842 chvoryja). Uračy miarkujuć, što niespryjalnaja abstanoŭka źviazana z vysokaj mihracyjnaj aktyŭnaściu nasielnictva. U hrupie ryzyki — rabotniki halin žyviołahadoŭli, medycyny i haspadarčy persanał škoł.

Alej zamiest tłušču

U vojsku pašyrany asartyment praduktaŭ, što ŭvachodziać u sałdacki pajok. Pra heta zajaviŭ namieśnik ministra abarony pa tyle — načalnik tyłu Ŭzbrojenych sił hienerał-major Ivar Čykał. Z 1 studzienia ŭ ahulnavajskovy pajok uviedzieny takija pradukty, jak bułačka z pšaničnaj muki pieršaha hatunku — 100 hramaŭ, kaŭbasnyja vyraby — 80 hramaŭ. Aproč taho, zamiest raniej naležnych 20 h žyviolnaha tłušču sałdaty atrymlivajuć 20 h aleju. Pavodle infarmacyi sp.Čykała, kalaryjnaść naboru praduktaŭ pa ahulnavajskovym pajku składaje 4170 kilakaloryj.

Pavodle BiełaPAN

• 0
• 0
• 0
• 0
• 0
• 0
• 0
• 0